龍璽酒家 (已結業)

同长辈食生日饭，最好都系食中菜，于是就去龙玺。我哋拣咗$498一位嘅午宴，感觉啲嘢易食易吞啲，但食落似乎唔系咁……一般而言应该系按菜单上嘅次序上菜，但唔知点解个汤嚟咗先。个汤都几鲜甜，深得老人家欢心。然后就上点心同冷盘，全部都系一般酒楼水平。肠粉皮有啲厚，感觉蒸得有啲耐；个鲍鱼我食都觉得有啲韧，更何况老人家……芥末云耳系冇芥末味嘅，甚至冇乜味，我见外公一直攞啲云耳去点海蜇嘅醋……所以整体都比较扣分蛋白蒸龙虾球到，仲有只蟹箝，整体唔错，老人家都易入口。炒菜苗系白菜仔，冇乜特别，所以唔影嘞。之后就上咗带子粒泡稻庭乌冬。个乌冬正正常常，个汤几好饮，都啱老人家食。整体嚟讲，其实都系一般啦，有啲嘢好食，但中间夹咗啲好麻麻嘅嘢，畀我拣多次，我会去第二度，毕竟同长辈食生日饭，都想整体体验系唔错或以上。现场啲侍应都几忙，好多时想叫侍应都要等一阵，但搞笑嘅系我哋等到窗口位冇人时行埋去窗边影相，有个侍应就即刻出现拦截，叫啲老人家戴返口罩，比较大声，语气都好一般，令人感觉佢似演唱会保安多过似侍应，其实可以礼貌啲提醒，所以又系比较扣分嘅位。