媽子美點

营业中

休息中

自从联和墟育华执咗之后，想揾间好食嘅排骨饭同点心都难。呢间妈子比我嘅印象一向都麻麻，净系知凌晨肚饿嘅时候，又或者饮完酒嘅时候无论几夜都一样可以有热辣辣嘅排骨饭同点心食，不过印象中都系比较难食，环境都好似比较污糟。今日晏就行过见到好似都几多人，食完先知原来佢早几个月前转咗手。今次食落啲排骨饭同以前完全唔同，排骨腌得好够味，肉质仲好似几嫩咁一咬就脱骨。鸡扎皮簿，冬菇又大大嚿，猪皮火腿都好足料食落非常满足。另外呢间点心店仲有提供咖啡奶茶，平时去酒楼食点心都好少会有呢个选择，咁我当然会试返我嘅至爱冻啡多奶走甜。老实讲我其实一啲期望都无，但唔知系咪咖啡豆分别，杯野我可以话比普通嘅茶记岀色好多，真系喜岀望外。呢间点心店价钱唔系最平但我一定会再帮衬，好食唔hea又唔太贵嘅小店真系太难得😚