影片
更多
2024-09-20
196 浏览
作为一个住将军澳嘅人，我已经食过好多次贺天，特别系前几年都在家工作嘅时候都好钟意过嚟食午餐，今次终于可以试到晚餐同大家推荐下。———————————————🌟丰州时令刺身7点 $568呢个刺身拼盘睇落以为贵，但其实性价比超高，因为每款刺身都系厚切，食落超有口感。拼盘包括带子、池鱼、甜虾、油甘鱼、三文鱼腩、拖罗同鲭鱼，每一款都鲜甜无比。特别想分享会系拖罗同带子，拖罗油脂丰富，食落去真系会觉得好幸福，至于带子系超大粒，就算切开都系好大件，肉质都好实净同好鲜甜。🌟美国牛小排寿喜锅 $188呢个寿喜锅真系好满足，牛小排油脂分布都几靓，汤底嘅甜咸味平衡得非常好。随餐附白饭，如果你钟意乌冬，都可以加钱转，甚至可以选择加$15一半饭一半乌冬，我自己就选择咗全乌冬，烟靭乌冬同寿喜烧系绝配👍🏻🌟秘制法式羊架 $128我哋拣左7成熟，三件羊架一上台就香气四溢，调味简单，以香草同盐为主，突出咗羊本身嘅香味，羊肉质感嫩滑无膻味。🌟伯爵茶千层蛋糕 $38$38就可以食到呢个水准，性价比爆灯！每层蛋糕都做得好实净，带有浓郁嘅伯爵茶香味，甜度适中。但唯一小小美中不足系上面加左一层朱古力酱，反而遮住咗伯爵茶嘅香味，如
作为一个住将军澳嘅人，我已经食过好多次贺天，特别系前几年都在家工作嘅时候都好钟意过嚟食午餐，今次终于可以试到晚餐同大家推荐下。
———————————————
🌟丰州时令刺身7点 $568
呢个刺身拼盘睇落以为贵，但其实性价比超高，因为每款刺身都系厚切，食落超有口感。拼盘包括带子、池鱼、甜虾、油甘鱼、三文鱼腩、拖罗同鲭鱼，每一款都鲜甜无比。特别想分享会系拖罗同带子，拖罗油脂丰富，食落去真系会觉得好幸福，至于带子系超大粒，就算切开都系好大件，肉质都好实净同好鲜甜。
🌟美国牛小排寿喜锅 $188
呢个寿喜锅真系好满足，牛小排油脂分布都几靓，汤底嘅甜咸味平衡得非常好。随餐附白饭，如果你钟意乌冬，都可以加钱转，甚至可以选择加$15一半饭一半乌冬，我自己就选择咗全乌冬，烟靭乌冬同寿喜烧系绝配👍🏻
🌟秘制法式羊架 $128
我哋拣左7成熟，三件羊架一上台就香气四溢，调味简单，以香草同盐为主，突出咗羊本身嘅香味，羊肉质感嫩滑无膻味。
🌟伯爵茶千层蛋糕 $38
$38就可以食到呢个水准，性价比爆灯！每层蛋糕都做得好实净，带有浓郁嘅伯爵茶香味，甜度适中。但唯一小小美中不足系上面加左一层朱古力酱，反而遮住咗伯爵茶嘅香味，如果冇呢层朱古力酱，成个蛋糕会更加完美！
🌟蝶豆花雪山特饮
呢杯特饮打卡一流，下面系蝶豆花冰，上面系蝶豆花啫喱，面层仲有香咸嘅奶盖，用饮管饮会有少少困难。个人觉得个底有少少甜，但上面奶盖同啫喱都超好食，值得推荐👍🏻
张贴
