點‧粵 (已結業)

呢间自从转手后都仲未试过，今次专登同屋企人落嚟试睇下菜式有冇唔同。环境同之前一样，依然充满中式古典味道，每个角落都带有优雅嘅气息。茶方面我地简咗桂花乌龙，唔会好涩而且有好香嘅桂花味。———————————————🌟麻酱鸡丝粉皮 $98酱汁份量适中而且捞得好均匀，粉皮有啲似水晶宽粉咬落烟烟韧韧，鸡丝食落都好滑身，全部连埋麻酱食有咸香味好唔错。.🌟金沙大海虾 $158呢个金沙大海虾要大推，金沙系指外面果层咸蛋黄，一上台已经充满香味，放落口啖啖咸香更令人陶醉。虾外壳亦都炸得好香脆，每只都忍唔住要咬到碎晒避免错过咸蛋黄嘅精华。大虾本身都好新鲜弹牙，而且每只都大大只，虾头都充满香味，每只都比我地食得干干净净。.🌟银杏鲜腐竹扒时蔬 $118鲜腐竹食落有清香嘅豆香味，而且有好多旧可以食，菜心全部都好翠绿咬落好爽口，汤底本身都充斥住菜同豆香，食完菜仲忍唔住饮左几啖个汤底。.🔸整体评价🔸感觉菜式质素依然高质，之前有食过佢地既脆皮鸡同埋醉鸽，味道都非常高质建议大家可以试下。