影片
更多
2022-12-13
212 浏览
之前已经留意到海天晋开咗呢间新西餐厅，路过望过吓餐牌一直想嚟试，咁啱今日想食牛扒，即时就谂起呢间餐厅。餐厅内部装修好有格调，装饰方面都好花心思，特别呢排世界杯加圣诞节，可以见到佢墙上、灯同玻璃窗都有唔同嘅创意装饰，感觉都好有气氛。另外餐厅嘅厨房都算系开放式，可以直接望到厨师整嘢食，成个厨房感觉都好企理都好干净。———————————————今次我哋直接叫咗个三个courses嘅二人餐 ($468)，分别包餐汤、沙律同主菜。.🌟 Caesar Salad呢个Caesar Salad好特别同出面唔一样，本身个酱系比较咸，感觉个菜食落反而有少少似咸酸菜，但我个人觉得几特别又几好食。佢上面配有嘅面包粒亦都唔系出面果种硬硬脆脆，细细粒食落唔脆但又好有咬口，个体验几特别，我个人其实都几钟意呢个Caesar Salad，不过份量上如果再多少少就会更好喇！.🌟Cioppino Soup呢个意式海鲜汤饮落真系好浓郁，虽然唔系传统果种真系咩海鲜都有嘅Cioppino，但汤入面本身都有虾同蚬提供，蚬本身好肥美，食落啖啖肉，虾亦都好新鲜，咬落非常弹牙，餐汤嚟讲真系比好多出面嘅西餐厅高质。.🌟New Zeala
———————————————
今次我哋直接叫咗个三个courses嘅二人餐 ($468)，分别包餐汤、沙律同主菜。
.
🌟 Caesar Salad
呢个Caesar Salad好特别同出面唔一样，本身个酱系比较咸，感觉个菜食落反而有少少似咸酸菜，但我个人觉得几特别又几好食。佢上面配有嘅面包粒亦都唔系出面果种硬硬脆脆，细细粒食落唔脆但又好有咬口，个体验几特别，我个人其实都几钟意呢个Caesar Salad，不过份量上如果再多少少就会更好喇！
.
🌟Cioppino Soup
呢个意式海鲜汤饮落真系好浓郁，虽然唔系传统果种真系咩海鲜都有嘅Cioppino，但汤入面本身都有虾同蚬提供，蚬本身好肥美，食落啖啖肉，虾亦都好新鲜，咬落非常弹牙，餐汤嚟讲真系比好多出面嘅西餐厅高质。
.
🌟New Zealand Ribeye
牛扒本身叫咗Medium，但其实切开嘅时候觉得有少少overcooked，不过都唔影响食落去嘅感觉，首先真系要赞牛扒本身真系极少筋，小编真系极讨厌多筋嘅牛，而佢成块基本上都系肉多，唔会食到筋同时亦都冇咩一旧果种脂肪。食落牛味好重，而且煎得好腍，配上调制嘅红酒汁真系好好食👍🏻
.
🌟Tiger Prawn and Dried Shrimps Pomodoro Linguine
大家千祈唔好睇相以为好细份，其实个份量都唔少同埋入面真系有好多只虎虾。意粉酱本身应该系用新鲜蕃茄整， 一边食都仲有好多压醉嘅蕃茄肉，再加上少少辣味，非常香浓。意粉入面本身仲有一啲一粒粒嘅虾干，食落咸咸地令成个意粉味道更多元化同时口感亦有更多层次。
.
🌟Tiramisu Waffle with Rum and Raisin Ice-cream (跟餐半价加$64)
呢个窝夫个人亦为真系好出色，咬落外面偏硬但入面非常软。个Tiramisu酱有咖啡酒味但唔太浓，反而有一阵好香嘅奶味，口感有少少似忌廉但又再实啲嘅感觉，再加埋一边嘅提子冧酒雪糕配落个窝夫真系非常夹。菜式本身个摆盘亦都有花心机，呢个甜品真系食得又影得啊！
.
🔶整体评价🔶
小编对餐厅食物质素都相当满意，而且餐厅员工服务态度亦都非常好，好即时提供回应，上菜速度亦都好好。呢间餐厅小编真心推荐，小编亦都几肯定会再回头，但下次应该会试下散叫其他主菜同小食，有机会都可以再出多次食评。另外都留意到在场有其他人士生日，餐厅都会专登播放生日歌，感觉生日过嚟庆祝嘅话气氛都唔错。
.
🔸味道：9/10
🔸环境：9/10
🔸服务：9/10
🔸打卡指数：9/10
———————————————
🍽️ Griddy's Waffles & Cocktails
📍将军澳唐俊街28号海天晋汇地下G05号舖
Shop G05, G/F, Ocean Popwalk, 28 Tong Chun Street, Tseung Kwan O
———————————————
👉🏻#hkchiller美食地图_将军澳
👉🏻#hkchiller晚餐推介
👉🏻#hkchiller西餐
Cioppino Soup
0 浏览
0 赞好
0 留言
New Zealand Ribeye
3 浏览
0 赞好
0 留言
Tiger Prawn and Dried Shrimps Pomodoro Linguine
3 浏览
0 赞好
0 留言
Tiramisu Waffle
8 浏览
0 赞好
0 留言
张贴
