影片
更多
2022-12-30
894 浏览
今日谂住近近地系上环附近揾间餐厅同朋友食，留意到openrice系西环果边有间越南菜，见到都几多人推荐$108四重享套餐，套餐包咗主食、小食、凤爪沙律／米纸卷二选一同一杯越式特饮。我同朋友就每人叫咗一个套餐再选择唔同嘅小食share！———————————————🌟牛腩汤河／生牛肉汤河主食因为两个汤河都类似小编就唔特别分开讲喇，但牛肉粉嚟讲其实都真系几高质，份量充足，特别系牛腩汤河一上果下就已经见到有成8至10旧牛腩系上面，而且每旧牛腩都炆得好腍好好食。至于生牛肉汤河都好唔错，肥牛食落牛味都算浓，绝对唔系果种好平又好韧嘅肥牛，不过都有一两块可能会肥少少，但性价比嚟小编真系觉得无得顶。然后到呢两个汤河最令我加分嘅地方——白萝卜，一咬落去真系好惊喜，煲得好腍好入味，而且一啲都唔老唔会有渣。.🌟香茅鸡翼香茅鸡翼跟餐叫有两只，即叫即炸热辣辣，外皮好脆之余味道亦都腌得好好。.🌟鱿鱼虾枝呢个小食比较少餐厅有，其实就系图中果果三条好似春卷嘅嘢，中间包住一旧好似平时花枝丸嘅肉，外面个皮好簿咬落亦好香脆，热辣辣连埋甜酸酱真系超滋味。.🌟凤爪沙律凤爪沙律一共有三旧，肉虽然唔系话多，但其实佢配料好似生菜、车
———————————————
🌟牛腩汤河／生牛肉汤河
主食因为两个汤河都类似小编就唔特别分开讲喇，但牛肉粉嚟讲其实都真系几高质，份量充足，特别系牛腩汤河一上果下就已经见到有成8至10旧牛腩系上面，而且每旧牛腩都炆得好腍好好食。至于生牛肉汤河都好唔错，肥牛食落牛味都算浓，绝对唔系果种好平又好韧嘅肥牛，不过都有一两块可能会肥少少，但性价比嚟小编真系觉得无得顶。然后到呢两个汤河最令我加分嘅地方——白萝卜，一咬落去真系好惊喜，煲得好腍好入味，而且一啲都唔老唔会有渣。
.
🌟香茅鸡翼
香茅鸡翼跟餐叫有两只，即叫即炸热辣辣，外皮好脆之余味道亦都腌得好好。
.
🌟鱿鱼虾枝
呢个小食比较少餐厅有，其实就系图中果果三条好似春卷嘅嘢，中间包住一旧好似平时花枝丸嘅肉，外面个皮好簿咬落亦好香脆，热辣辣连埋甜酸酱真系超滋味。
.
🌟凤爪沙律
凤爪沙律一共有三旧，肉虽然唔系话多，但其实佢配料好似生菜、车厘茄果啲都做得非常足，凤爪咬落亦都好爽口。
.
🌟扎肉米纸卷
成个卷皮薄馅靓又大大旧，扎肉份量唔算多但入面仲有好多其他配料，成旧咬落去口感超丰富，不过就咁食味道可能会唔够，大家要记得要点返越南米纸卷酱汁，味道先会更浓更好食。
.
🌟话梅蜂蜜柚子茶
呢个柚子茶味道调得好好，唔太甜又有落足料，加埋话梅真系解渴又开胃。
.
🔶整体评价🔶
成个套餐先$108真系非常抵，餐牌上小食嘅选择非常多，好似炸虾角、炸虾饼、烤猪颈肉等等都非常吸引，而且小食仲会谂好摆盘先上，小店制作都好有心。另外系服务方面，虽然系一间小店但服务都算服到，台面有提供纸巾，服务员于叫餐后亦有提供湿纸巾，唯一系餐厅位置唔算多，但有兴趣嘅朋友仔都可以考虑外卖，我见外卖自取仲有9折优惠，真系好高性价比，真心推荐比各位🫶🏻
.
🔸味道：8/10
🔸环境：7/10
🔸服务：8/10
🔸打卡指数：6/10
———————————————
🍵越火越式汤粉
📍西环厚和街28号顺昌大厦地下E号舖
Shop E, G/F, Shun Cheong Building, 28 Hau Wo Street, Western District
———————————————
👉🏻#hkchiller美食地图_西环
👉🏻#hkchiller晚餐推介
👉🏻#hkchiller越南菜
张贴
