JK Brother’s (已結業)

系近佐敦同尖沙咀交界嘅呢间楼上边炉，听过好多人话好食，于是早一个星期book位，佢有个apps去confirm同提醒booking，食饭个日职员会再打俾你confirm多次，真系几好。我哋食嘅星期六夜晚，248元另加10元，可以食两个钟。够哂韩国啦铺头唔大，但基本都有哂，而且熟食都有好几款。自己海鲜自己捞，大头虾系必捞。汤底我哋拣咗韩式雪浓汤锅，味道真系几浓，菜都好够味，唔驶煮太耐。食呢间牛唔系重点，系所有海鲜类！大头虾膏够多，又够新鲜，唔驶滚太耐。不过由于几生猛，捞起记得用冰盖住，免得弹走。酱油系列都必点，食到我哋狂点，够味，又弹牙。多款饮品，有酒无酒都有，连梅酒清酒都有。甜品方面真系无得输，movenpick系最正，如果你食个日仲见到佢，请记得拎黎食。