影片
更多
2023-06-11
18 浏览
之前食Omakase有师傅已经介绍过呢间铁板烧，今次专灯过嚟试佢嘅精选2人前套餐，套餐系$2,480两位，包括有好几款海鲜同肉。———————————————🌟帆立贝当晚食嘅第一款海鲜就系帆立贝，帆立贝表面加有乌鱼子同淡雪盐，带出鲜味同时食落亦都唔会太咸。而且师傅烧得啱啱好，唔会成旧都全熟，食到中间仲会见到有少少半透明嘅嫩肉，食落口感同味道都更丰富。.🌟季节烧鱼烧鱼方面系金鲷鱼，呢个真心好有特色，佢先系用特定温度嘅油去炸，再放上铁板烧，可以见到成个鱼皮都炸起一片金黄色，非常香脆。鱼皮经调味后会咸少少，配合返中间嫩滑嘅鱼肉。除此以外，佢仲系用酸菜鱼汁去制作，食落唔系话好辣但系食完会成个嘴都会好麻，感觉好爽。.🌟南非鲍鱼鲍鱼真系只只都好新鲜，而且可以见到师傅真系手起刀落，每个动作都好俐落。我认为另外好特别嘅地方系鲍鱼片系配鲍鱼肝酱，酱汁味道非常鲜甜，令到成个菜式味道再升华。.🌟活龙虾龙虾都一样非常之生猛，睇住师傅直接系铁板上起肉，将虾膏分开制作，加上牛油同调味料制作酱汁，当龙虾肉烧到尾声时先再加返虾膏汁上去再烧。龙虾肉食落都弹牙，不过感觉熟咗少少所以唔系一咬就到底，但整体味道都系好鲜。.🌟
之前食Omakase有师傅已经介绍过呢间铁板烧，今次专灯过嚟试佢嘅精选2人前套餐，套餐系$2,480两位，包括有好几款海鲜同肉。
———————————————
🌟帆立贝
当晚食嘅第一款海鲜就系帆立贝，帆立贝表面加有乌鱼子同淡雪盐，带出鲜味同时食落亦都唔会太咸。而且师傅烧得啱啱好，唔会成旧都全熟，食到中间仲会见到有少少半透明嘅嫩肉，食落口感同味道都更丰富。
.
🌟季节烧鱼
烧鱼方面系金鲷鱼，呢个真心好有特色，佢先系用特定温度嘅油去炸，再放上铁板烧，可以见到成个鱼皮都炸起一片金黄色，非常香脆。鱼皮经调味后会咸少少，配合返中间嫩滑嘅鱼肉。除此以外，佢仲系用酸菜鱼汁去制作，食落唔系话好辣但系食完会成个嘴都会好麻，感觉好爽。
.
🌟南非鲍鱼
鲍鱼真系只只都好新鲜，而且可以见到师傅真系手起刀落，每个动作都好俐落。我认为另外好特别嘅地方系鲍鱼片系配鲍鱼肝酱，酱汁味道非常鲜甜，令到成个菜式味道再升华。
.
🌟活龙虾
龙虾都一样非常之生猛，睇住师傅直接系铁板上起肉，将虾膏分开制作，加上牛油同调味料制作酱汁，当龙虾肉烧到尾声时先再加返虾膏汁上去再烧。龙虾肉食落都弹牙，不过感觉熟咗少少所以唔系一咬就到底，但整体味道都系好鲜。
.
🌟鹅肝
鹅肝本身好大件，配上酸酸甜甜嘅青苹果醋同面包，味道真系非常出色。而且鹅肝烧得好香，放入口系入口即溶，而且系一咬就会有好多汁流出超Juicy。另外旁边仲放有一小件嘅菠萝比客人解腻，味道酸酸甜甜又冰冰地，感觉非常有效。
.
🌟日本A4和牛
师傅会先问一问您想熟成度系几多，我哋就选择5成左右。份量虽然睇落唔算多，但和牛都有一定厚度，一边烧都已经闻到果阵牛味，放入口啲油脂好似即时溶化，不过我果件有少少筋，但整体都系好好味。
.
🌟茶碗蒸
茶碗蒸好滑身，上面有好香浓嘅龙虾汁再配紫苏花，食落味道有更多层次嘅香味，而且仲系用好精致嘅鸡蛋形状器具装住。
.
🌟甜品
甜品方面师范系用焦糖烧面包，再将面包切成一条条后砌成一座塔。面包表面充满住香脆嘅焦糖，但咬落可以食到柔软嘅面包芯，口感会比较丰富。
.
🔸整体评价🔸
餐厅环境都好新都好干净，师傅比人感觉所有动作都好俐落好专业，而且每一款菜式都制作严谨，油炸前都会用温度计确保温度维持于最适合嘅程度。成个套餐都算丰富，如果大家有兴趣食铁板烧都可以考虑呢一间，另外佢都仲有另一个一人前套餐包多款海鲜，钟意食铁板海鲜嘅朋友仔一定唔可以错过🥰
张贴
