煲底海鮮火鍋料理 (已結業)

收工后约咗同朋友打边炉，估唔到又几有惊喜～虽然价格偏贵，但系食物质素高，对得住价钱啦😋如果想同朋友食返餐好嘅，呢间都系一个好选择🤩。汤底：椰子花甲蟹锅 （$229）一上碟就已经觉得好吸睛🤩汤入面真系有一只蟹🦀仲有唔少花甲，非常真材实料！舖头推荐打边炉之前饮一碗汤先，饮落椰子味好香好重～个汤饮落觉得好鲜甜，而且仲有啲Creamy嘅感觉。冰火鱿鱼（$109）呢个都系舖头嘅招牌菜式之一，系冻食嘅麻辣鱿鱼～食落系偏麻、小辣，我本身唔太食辣都接受得到！不过有啲位比较韧，有少少难咬断🫣。干杯！蚝（$128）呢个系我最推介嘅菜式！一份有六只，用shot杯装住生蚝，上面仲有三文鱼籽，配以柚子醋。食嘅时候可以成杯「饮」🤪食落系好新鲜嘅生蚝，非常满足😋。潮牛（小）（$319）打边炉点可以唔食牛！虽然我哋嗌细份嘅牛，但系份量都几多，而且质素都好好，脂肪分布均匀，肉质嫩滑。花样油条（$79）一份六件，喺油炸鬼上面酿咗墨鱼滑，可以揼落汤亦都可以即食～油炸鬼好脆，墨鱼滑都几弹牙😬口感丰富。百花酿鱼肚（8件）（$139）鱼肚吸咗汤之后好甜好入味，同虾滑呢个组合基本上都好稳阵🫡但揼落汤之后虾滑同鱼肚会分散咗😂要