南대門

营业中

休息中

今日去咗尖沙咀一间叫「南대门BBQ 」嘅餐厅食晚餐，餐厅嘅职员大多数系讲英文或韩文嘅姨姨，佢哋都会好热情亲切咁介绍有乜好食。餐厅环境宽敞，有好多张卡位同圆枱，适合一大班人聚餐。每张枱上面都有一个乌龟形状嘅烧烤板，传热速度好快，放上去嘅肉类好快就烧得好香，而且店员得闲就会行过嚟帮手烧，非常好客。餐厅亦都会提供无限添加嘅韩式餐前小菜，包括辣泡菜、麻油芽菜、腌萝卜丝、凉拌生菜等等，钟意食辣嘅朋友就唔好错过啦！🍊牛肉拼盘食韩国烧肉一定要嗌韩牛，牛肉拼盘有肉眼、牛肋骨肉、肩胛肉同板腱肉，既有薄切，又有厚切，可以食到唔同嘅口感。而且全部都无预先腌过，食得出牛肉嘅原味，另外可以配合韩式辣酱、烧汁、蒜头或餐前小菜一齐食，有另一番风味。拼盘配有一个用石碢上嘅韩式汤，可以拣泡菜汤或大酱汤，我哋拣咗唔辣嘅大酱汤，唱菜嘅时候热辣辣，有浓郁嘅面豉味道，配料有大葱、洋葱、豆腐同蚬肉。🍊猪五花肉一碟有三块五花肉，每一块1嘅猪肉、脂肪层同猪皮都层次分明，猪皮口感烟靭，猪肉质地结实。烧熟之后再用铰剪切件，然后配上韩式辣酱、蒜头、青椒同生菜一齐食，蔬菜中和咗猪肉嘅油腻感，韩式酱汁同配料令猪肉更惹味。📍尖沙咀金巴利道65-