潮成園正宗手打牛丸大王

营业中

休息中

【屯门区】【潮成园】好耐冇做屯门区，以十八区 foodie 嚟讲真系失德败行，嚟紧会再忙啲，所以我都要谂好唔好改名，唔好吹到咁大。网上睇好多吹到好大嘅，好多时都系空头支票，我唔想自己都系咁。虽然我明知冇乜人睇我，但我都唔想咁嘛。咁喺改名之前就不如尽力踏实啲做好佢，虽然唔知女同事而家仲有冇睇我写嘢，但系就算佢唔睇，都当自己做好一件事佢，唔好好似港铁新动力咁。而今次嚟到屯门码头呢边见到呢间「潮成园正宗手打牛丸大王」，就有兴趣。见佢灯火通明咁，间嘢企企理理就入去，用 $43 叫个「牛腩牛杂粗面」，普通咗啲，系牛肚几爽口令我留下印象。加 $3 饮杯「热柠茶」，侍应阿姐系咁话抵，咁咪叫埋。我食嘅呢日系香港天气转冻嘅第一日，叫热饮合理吧。大家睇开我去粉面店啲 post 就知我实叫多碗嘢嚟娱吓宾，放心我系会食嘅。叫个 $28 嘅净「弹牙双丸」，即系爽滑牛丸拼自制鱼蛋，侍应哥仔话每样两粒，冇净牛丸六粒咁抵。之但系我为咗影多样畀大家睇，都系要双拼。碗嘢上到嚟系每样有三粒，牛丸系爆汁𠮶只，几好食，鱼蛋都 okay，成件事几好。食埋 $20 嘅「香脆带骨鱼皮」，佢唔系即炸，系厚身啲𠮶款，脆得嚟鱼味都浓，唔错