影片
更多
2023-06-01
321 浏览
【屯门区】【秋田日本料理】今日入到嚟屯门，唔知去边度食嘢好，谂起之前都喺呢头食过几间嘢，好似有几多餐厅，所以就走咗过嚟。嚟到之后发现原来好多自己都食过，剩返有啲又冇开门，因此呢我当刻都有啲一筹莫展，就喺呢个时候经过呢间。见佢个门面好有日式料理感觉，不过亦都系似香港式嘅𠮶种日本餐厅。唔好以为呢啲餐厅就一定系选料平庸、制作马虎，有时呢啲小店会畀到惊喜，甚至价钱都唔贵。然而，做人最忌假设，所谓「百闻不如一见」，就入去啦。首先入到去揾个位坐低，可能客人唔多，除咗一入去𠮶吓因为我存在感过低所以完全冇人见到我之外，其余时间招呼尚算殷切。睇 menu 都冇谂太多，就谂住叫寿司嚟食，都系叫啲杂锦寿司比较稳阵，之前我都试过系咁。叫咗十件「杂锦寿司」，$82 系包括四件三文鱼寿司、两件立鱼寿司、两件蟹籽寿司、两件呑拿鱼沙律寿司。都真系比较一般，所谓嘅立鱼寿司都系比三文鱼寿司多啲鲜味咁解，而个呑拿鱼沙律同蟹籽都几浓，整体正常嘅。之后就梗系睇有咩小食，食啲串烧之类都好吖嘛，不过佢好似冇，唔紧要，叫个 $47 嘅「牛油炒鸡肾」嚟食，整得偏细粒冇咗厚切感，但系可能本身个食法系咁，之但系佢酱油味劲过牛油味就令我觉得
见佢个门面好有日式料理感觉，不过亦都系似香港式嘅𠮶种日本餐厅。唔好以为呢啲餐厅就一定系选料平庸、制作马虎，有时呢啲小店会畀到惊喜，甚至价钱都唔贵。然而，做人最忌假设，所谓「百闻不如一见」，就入去啦。
首先入到去揾个位坐低，可能客人唔多，除咗一入去𠮶吓因为我存在感过低所以完全冇人见到我之外，其余时间招呼尚算殷切。睇 menu 都冇谂太多，就谂住叫寿司嚟食，都系叫啲杂锦寿司比较稳阵，之前我都试过系咁。
叫咗十件「杂锦寿司」，$82 系包括四件三文鱼寿司、两件立鱼寿司、两件蟹籽寿司、两件呑拿鱼沙律寿司。都真系比较一般，所谓嘅立鱼寿司都系比三文鱼寿司多啲鲜味咁解，而个呑拿鱼沙律同蟹籽都几浓，整体正常嘅。
之后就梗系睇有咩小食，食啲串烧之类都好吖嘛，不过佢好似冇，唔紧要，叫个 $47 嘅「牛油炒鸡肾」嚟食，整得偏细粒冇咗厚切感，但系可能本身个食法系咁，之但系佢酱油味劲过牛油味就令我觉得同我预期有少少落差。
最后系「盐烧秋刀鱼」，侍应事先讲明会整得耐少少，唔怕呀，反正我都要时间食头先两样。慢工的确出细货，烧得几好，系好食，$46 攞去。嘢饮我叫咗 $23 嘅「冻柠碧」，呢餐呢几样嘢加埋就 $198 嘅，正常合理啦。。。
（发帖前补多句：我个位有蚊咬，处理吓佢会比较好）
（地址：屯门屯利街1号华都花园地下6号舖）
12 浏览
0 赞好
0 留言
张贴
