麗馨小廚

营业中

休息中

【屯门区】【丽馨小厨】有唔少人问过我边度食小炒好食得嚟又抵食，不过我一直都畀唔到一个好好嘅答案佢哋，估唔到今次同皮蛋哥喺屯门就食到间咁嘅嘢。我哋都系晏昼入去谂住食个晏，点知都几有惊喜。皮蛋哥试 $58 嘅午餐「剁椒豆卜蒸鸡」，配白饭，辣辣哋几惹味几正㖞。我就试咗个 $59 嘅常餐，不过佢哋𠮶啲常餐就唔系茶餐厅𠮶啲，而系有「五香牛肉面」、「煎饺」两只同「豆浆」嘅配搭。呢几样嘢都几好食㖞，尤其系杯豆浆，系店家自己磨嘅，清甜解渴。我哋同时都有试豆浆，都觉得真系几好，唔差过啲上海菜餐厅。另外我哋仲试咗两个小食，皮蛋哥至爱 $42 嘅「沙姜猪脚」，啲猪脚入晒味好香，吮到佢鬼咁开心。而我就比较中意之后试嘅「椒盐鲩鱼腩」，价钱 $68，炸到脆卜卜得嚟鱼肉又够嫩滑，同埋大大碟，送啤酒嘅话一流。咁样食法夹埋先 $227，系咪好抵食先。。。（地址：屯门仁爱堂街1-43号丽日阁地下3-4号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies