影片
更多
2023-05-04
355 浏览
【屯门区】【PEPPER LUNCH】首先祝大家圣诞快乐，虽然都唔系第一次同大家过圣诞，不过今年系有唔同嘅，就系我终于可以喺单身嘅情况之下，喺圣诞节假期嘅期间同啲妙龄少女见面。朋友就话有啲想食 PEPPER LUNCH，我作为一个对女性忠心耿耿嘅一只舔狗，固然系要谂尽办法讨好同逢迎。话虽如此，自己都其实对呢间嘢有啲兴趣，唔系本身反感而因为要迎合女性先委曲求存。不嬲都觉得呢间啲铁板肉饭几正，个人最中意佢啲黑椒，所以餐厅名有 PEPPER 呢个字系有佢嘅道理。谂唔到食乜之际，见到圣诞餐，就叫个嚟食吓啦。所谓嘅圣诞餐，诚然个正名系「美国薄切肉眼牛扒二人套餐」，因为佢只系得宣传单张写系圣诞餐，然后净讲食物嘅话个餐其实系完全冇圣诞成份喺里面嘅，都系由两份平时都叫得到嘅主食所组成，合埋一齐个价钱平咗，咁就叫圣诞餐喇㖞。唔紧要嘅，我就醉翁之意不在酒，作为小毒毒，有女陪食已经谢天谢地谢天华。个餐有两份嘢食，一份系「珍宝黑椒牛肉拼鸡肉饭」，而另一份系「美国薄切肉眼牛扒配饭」，当时我同佢两个都系处于一个有啲饱足嘅状态，所以后者系走饭嘅。前者系一款佢哋嘅 signature 嘢，如果大家之前系有食过 PEP
话虽如此，自己都其实对呢间嘢有啲兴趣，唔系本身反感而因为要迎合女性先委曲求存。不嬲都觉得呢间啲铁板肉饭几正，个人最中意佢啲黑椒，所以餐厅名有 PEPPER 呢个字系有佢嘅道理。谂唔到食乜之际，见到圣诞餐，就叫个嚟食吓啦。
所谓嘅圣诞餐，诚然个正名系「美国薄切肉眼牛扒二人套餐」，因为佢只系得宣传单张写系圣诞餐，然后净讲食物嘅话个餐其实系完全冇圣诞成份喺里面嘅，都系由两份平时都叫得到嘅主食所组成，合埋一齐个价钱平咗，咁就叫圣诞餐喇㖞。
唔紧要嘅，我就醉翁之意不在酒，作为小毒毒，有女陪食已经谢天谢地谢天华。个餐有两份嘢食，一份系「珍宝黑椒牛肉拼鸡肉饭」，而另一份系「美国薄切肉眼牛扒配饭」，当时我同佢两个都系处于一个有啲饱足嘅状态，所以后者系走饭嘅。
前者系一款佢哋嘅 signature 嘢，如果大家之前系有食过 PEPPER LUNCH 呢间嘢，应该都好大机会涉猎过，我就唔多讲喇。其实后者都只系啲肉唔同咗，其他嘢都系一样。而个美国薄切肉眼牛扒讲明系薄切，都唔会有咩好大突破，只系啲牛味足咗。
个套餐包两个特色小食，有五样嘢拣，不过两个都要晒「蜜糖粟米」算，反正质素都系咁。而𠮶两杯精选饮品我哋拣咗「利宾纳」，系 200 毫升纸包装𠮶只，略嫌唔够喉。而每份主食都加咗「鸡蛋及芝士」，每份 $10，我觉得都系要加嘅。
总括而言，呢餐面值 $200 都唔算贵，如果系用圣诞餐嘅标准嚟讲。就好似我呢种「度缩自私怪」，可以约到异性已经系一个好大嘅奖赏，餐饭嘅价钱系另一件事。不过由于唔想冷落女伴，所以我一时忘记咗影个门面，不过佢唔难揾嘅，放心。。。
（地址：新界屯门屯盛街1号屯门市广场一期2楼2253A-2256A美食广场8号档）
#1amfoodie #hkig #foodiehkgirl #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #foodiesofinstagram #foodgasm #instagood #love #hkigfood #hkfoodlove #hkfoodblog #hkrestaurant #foodieman #香港 #香港吃货 #吃货 #食物 #小食 #1am屯门区 #pepperlunch #FoodMaze #美食广场 #foodcourt #屯门市广场一期 #屯门市广场 #美国薄切肉眼牛扒二人套餐 #珍宝黑椒牛肉拼鸡肉饭 #美国薄切肉眼牛扒配饭 #merrychristmas
$100
37 浏览
0 赞好
0 留言
张贴
