影片
更多
2018-01-22
454 浏览
今晚一家三口去食布甸狗主题餐厅, SY说:「爸爸! 铜锣湾唔系几年前已经有布布餐厅咩?」 我答:「今次系同鸿福堂联乘㖞, 唔知有冇布甸狗24味呢?」(SY: 吓? 千祈唔好有呀...咁苦) 我知差不多每个地铁站都有鸿福堂分店, 但原来九龙湾有堂食服务, 店内有3张枱, 一共12个座位. 未走入店, 布甸狗迷SY已经兴奋大叫:「哗! 好多布布呀! 好得意呀...」 SY:「爸爸...我想食布甸狗奶皇包 $8/个 $15/2个」, 店员说:「唔好意思, 奶皇包要等到12月中先有供应」 主题凉茶店有5款布布食品, 没有奶皇包, 那就同时试其余4款吧! 布甸狗鱼片并烧卖套餐 $15, 我:「原来烧卖无布甸狗头㖞...」, SY :「烧卖咁细粒, 梗系印唔到布布头上去啦」 SY一口吃了鱼片说:「哎呀! 我以为系玉子㖞, D鱼蛋烟烟韧韧又几好食㖞」 蟹皇南瓜素翅羹 $53, 店员会预先加热给你, 所以冬天也可以放心的暖暖饮热汤... SY:「真系好南瓜, 同好多一条条D咩嚟架?」 我:「系素翅嚟, 仲有红萝卜粒, 够晒味, 好彩唔会太竭, 因为我唔钟意饮羹, 好彩E包唔系」 粟
我答:「今次系同鸿福堂联乘㖞, 唔知有冇布甸狗24味呢?」(SY: 吓? 千祈唔好有呀...咁苦)
我知差不多每个地铁站都有鸿福堂分店, 但原来九龙湾有堂食服务, 店内有3张枱, 一共12个座位.
未走入店, 布甸狗迷SY已经兴奋大叫:「哗! 好多布布呀! 好得意呀...」
SY:「爸爸...我想食布甸狗奶皇包 $8/个 $15/2个」, 店员说:「唔好意思, 奶皇包要等到12月中先有供应」
主题凉茶店有5款布布食品, 没有奶皇包, 那就同时试其余4款吧!
布甸狗鱼片并烧卖套餐 $15, 我:「原来烧卖无布甸狗头㖞...」, SY :「烧卖咁细粒, 梗系印唔到布布头上去啦」
SY一口吃了鱼片说:「哎呀! 我以为系玉子㖞, D鱼蛋烟烟韧韧又几好食㖞」
蟹皇南瓜素翅羹 $53, 店员会预先加热给你, 所以冬天也可以放心的暖暖饮热汤...
SY:「真系好南瓜, 同好多一条条D咩嚟架?」
我:「系素翅嚟, 仲有红萝卜粒, 够晒味, 好彩唔会太竭, 因为我唔钟意饮羹, 好彩E包唔系」
粟米北海道奶露 $28, SY:「真系好奶, 同埋好浓粟米味」
我:「系㖞, 粟米好浓, 有饮糖水感觉, 几好饮㖞, 但点解无粟米粒粒呢? 系咪沉咗底?」
SY:「底无架, 佢系粟米精华啦, 打溶咗入D奶度」(你点会知呀? 不过好饮又健康就系真)
最后, 我们来一个雪糕布甸甜品, SY:「哗...有早餐片𠮶D脆米星星呀...一定好好食」
一口吃了雪糕的SY:「有好多果肉...(我:系瓜子嚟? )系杨枝甘露入面D生果呀...」
原来这个真是杨枝甘露的雪糕, 而且更加了少量瓜子...很好食的雪糕
我:「原来芒果布甸上面只布甸狗系块饼干嚟, SY不如你试吓一口食晒佢吖...横掂你咁钟意布布」
SY真的一口吃掉了布布饼干: 「原来布甸系用朱古力粉画上去㖞」
不停食布甸, 又不停食忌廉, 再继而密密食雪糕, 小朋友非常繁忙, SY:「好食呀! 布甸碗入面𠮶D系芒果汁嚟添...超好食」
凉茶舖细细, 但布置得非常有气氛, 全黄色的布甸狗设计, 绝对非常童话感觉, 这店应该算是我光顾过最经济 , 又健康的主题餐厅啦!!
鸿福堂 x 布甸狗 Pop up 店
日期：即日至 2 月 28 日
地点：九龙湾牛头角道77号淘大商场一期地下G141号舖
时间：星期一至五 9:15am-10:15pm；
星期六、日及公众假期 9:45am-10:15pm
张贴
