幸福班戟 (新城市廣場) (已結業)

我最爱食甜品，上次又食唔到梳乎厘班戟，今次就专程去揾嚟食😏 究竟食幸福班戟有几幸福⁉️4点钟就去排队，人唔算太多，等咗20分钟左右就入得。班戟果然系好受欢迎，店外keep住都有人排队。场内面积唔系好大，加上而家限聚二人一枱，原本嘅四人枱变成两张二人枱，枱数量多咗，空间会稍为逼啲。入座前先拣好食咩，直接付款，之后坐定定等野食🤤 按照哩个流程，的确节省好多用餐时间。✨奶茶班戟配自家谷麦 $102班戟有足够空气感，但又唔会得阵风咁，蛋味香浓，口感松软入口即溶😋 奶茶酱就咁食偏甜，配埋班戟就刚刚好，味道浓郁又唔会太甜。忌廉做得好幼滑，再加上卜卜脆谷麦，一口内食到软滑脆口嘅感觉，口感好丰富👍🏻✨时令鲜果班戟 $112时令鲜果包括苹果、菠萝、士多啤梨、奇异果香蕉同埋我好喜欢嘅西柚。估唔到竟然会有西柚，带微酸涩，系我钟意嘅味道，不过未必人人接受到😂 菠萝都有少许酸，但其他水果都系甜嘅。不过水果数量唔多，而家冇咩特别配料，所以性价比较低。🔍整体感觉：个人会较推介奶茶班戟，因为配料奶茶酱都算有特色，味道几好。但水果班戟嘅配料主要系得忌廉，而水果只系一啲平日都会食嘅野，冇咩特别😅 但班戟的确系做得唔错，食出