享慢煮意 (善慶街) (裝修中)

中环不嬲都美食多多，而且好多餐厅装修都好靓，好岩一班朋友一齐系到揾间餐厅聚下，尤其系Happy Friday，但相对地价钱都比较高🙈朋友知我中意周围食，推介过呢间既龙虾汤牛角包值得试试，所以决定同朋友book位试试佢。餐厅空间唔大，座位都好有限，同隔篱枱差唔多贴住膊头一齐坐，但OpenRice book位除咗饮品之外，单点食物都有20% off，咁都可以接受既。整体食物质素系几好，全场满座但可能人手比较少，唔止上错食物饮品，甚至漏咗单🫠所以等野食既时间都比较长。龙虾汤牛角包 ($58 x 2 = $116) ⭐️⭐️好香焗好面包既味道，牛角包外脆内软，好有空气咁，切开牛角包，龙虾汤即刻溜岀尼😍汤好浓龙虾味，难唔得每枱都有点。美国顶级牛腹扒 配 香煎鸭肝 ($268) 虽然牛扒睇份量唔大，但有6oz左右，大约有四五成熟，食起嚟都几松软几Juicy。而鸭肝煎得好香，入口即溶。西班牙黑毛猪腩 & 黑毛猪颈 配苹果南瓜蓉($178) ⭐️Parma Ham &黑毛猪腩都煎得好香脆，好厚好够肉，而且好够油脂，配埋苹果南瓜蓉，香香甜甜，几易入口。龙虾汁带子意粉 ($218) 正常发挥，反而冇肉类咁吸引。