碧儷苑·精點粵菜 (羅氏商業廣場)

营业中

休息中

有闻早年鸿星 股东拆伙，创办人另起炉灶开咗碧俪苑，目前有两间分店，一间喺荔枝角，一间喺中环摆花街。以前鸿星分店嘅出品水平维持得好好，依家嘅碧俪苑嘅味道有过之无不及。佢哋嘅点心做得好精致，摆盘靓之余味道好，有姿势有实际。炸两入面嘅油炸鬼脆卜卜，撒咗啲炸虾米喺面，令到个口感更丰富，既有肠粉嘅软糯又有炸两嘅脆口。之后有太极虾饺，卖相有别于传统白色虾饺，佢哋有两粒系加咗竹炭粉（好似系）所以系黑色；加上干辣椒籽，辣辣地又别有一番风味。另外见到好多台都有叫出烟企鹅仔，原来系传统点心豆沙包。骨致嘅仲有黑糖蜂蜜糕，黑糖味浓郁又唔会太甜，咬落仲烟烟韧韧，好有口感，依家食亲碧俪苑都要嗌呢个！荔枝角分店定价比中环分店实惠，lunch食点心食到饱都系百几蚊一位，难怪开业冇耐就日日座无虚席。