荔香園冰室 (已結業)

是日下昼放假，梗系唔食晏等食三点三啦，悭返啲钱嘛😁。🌖T2 爆蛋芝士牛肉菠萝包 $38呢个菠萝包有多料，有太阳蛋、蕃茄、芝士、牛肉同菠萝片做料，以后可以同人讲「菠萝包真系有菠萝🍍架」🤣！个包真系劲厚劲丰富，想一啖食到晒咁多食材真系有啲难度。太阳蛋一咬就流晒蛋汁出黎，最钟意啲蛋汁流晒去个包度，如果流左落碟我都会拎面包去吸返晒蛋汁返黎，实得一滴都唔会晒😛。菠萝片甜甜酸酸给解腻，不过唔知系咪咁所以解到少左阵芝士味😅。🌗T6 流心芝士厚西多士 $32菠萝包少咗芝士味？唔紧要～～因为我仲有呢个流心芝士厚西多～其实每片多士都唔算好厚，但呢个西多系三片多士夹住两层流心芝士，所以食落真系好饱肚！平时西多已经够邪恶，呢个仲有满满芝士，建议同人开心share 。🌖T5 炸鸡髀配自家制沙律 $42炸鸡髀一啲都唔油！鸡皮上嘅油仲完全被炸晒出嚟！新鲜即炸热辣辣，配上杂果沙律，冰热交融嘅食法系我嘅心头好❤️。