戀上台式料理

营业中

休息中

将军澳海边之前都嚟过几次，今次同朋友向康城缓跑径散步，喺比较入嘅地方遇到呢间台湾菜餐厅。店名系「恋上台式料理」，一如其他海傍店，有TKO河景，有室外开放式pet friendly 座位。店内环境宽敞舒适，还有花花草草打卡墙。整体感觉都好chill，好舒适。食物方面，先叫两个台湾面主食，都系附前菜（有花生、青瓜、木耳）。特式手工饺面手工饺皮薄馅多，肉嫩多汁，肉馅蔬菜比例恰到好处。台湾面柔靭，有口感，配上轻微药材味汤头，确是有一番台湾风味。台式蚵仔面蚵仔无沙干净，有鲜味，加上分量充足，满满台湾夜市嘅感觉，值得推介。另外点左小菜/肉食：恋上三杯鸡三杯鸡铁锅上菜有风味，香料有洋葱同九层塔，香气扑鼻，味道甜中带咸，配饭/配面都好合适。法式煎焗咸猪手煎焗嘅烹调手法冇煎炸咁热气，外皮煎香而仍富弹性，分量唔细，系比较大只嘅猪手，够满足2-3人食量，抵食之选。饮品方面，点了鸭屎香香水柠檬茶、百香果爆柠，香味满满，加上价钱亲民，非常唔错。