KiKi滷麵 (已結業)

【我钟意食嘅台湾卤面🍜】认识Kiki开初系认识佢嘅拌面，红极一时，屋企都成日买嚟自己煮。香港好食嘅台湾卤面店真系唔多，Kiki系我食过觉得最好食的一间，今日路过尖沙咀就外卖回家慢慢食。🧐食咗咩？🍜综合卤水套餐牛筋、猪耳、鸭血、贡丸、花枝丸、萝卜、百页豆腐、甜不辣、唐生菜配粗面。贡丸猪牛好好味😋，所有𩠌都用盒另外放好。面和生菜则放喺另一纸盒中，粗面与酸菜丝、芫茜葱丝，用上鹅油葱油，一开就香味扑鼻，唔食芫茜嘅朋友要留意，而面份量非常之大。🍜豚之选套餐猪耳、小肥肠、贡丸、百页豆腐、萝卜、唐生菜，配幼面及咖哩汁。非常之欣赏咖哩汁嘅味道，令到全个面都好够味，捞面嘅原故，每口面都有咖哩汁挂住，所以每啖都好够食。面量依然比较大。口痕想食小食，加咗凤爪和台湾肠🍜无骨凤爪每次我都会点凤爪的，因为味道几特别，口感系淋淋的， 骨胶原丰富。🍜台式肠本身是「肠粉」嘅我，无肠不欢，喜欢台湾肠嘅甜甜感觉。🍜柠檬冬瓜茶唔太酸，杯底有透明嘅爱玉，好似Jelly咁，我钟意呀。🍜珍珠奶茶奶味茶味都重，不过不失，饮完都几饱肚，都系食咗个面先慢慢饮。