堅石燒 (已結業)

平日锯扒次数非常少，知道系朋友推介嘅黄店就嚟一试的确有良心，抵食好味﹗落咗一层后，有一排凳仔俾坐嘅人等位，唔算多，大概10张左右啦，听讲有时会大排长龙﹗落到去位置都几阔落，先会见到自助bar，入到去见虽然有少少油烟，但唔会令人觉得唔舒服，因为枱同枱之间唔算密，有一定距离，唔会为坐多啲人而影响环境。另外值得一提系，因为我都好晏先食，见到店员会于准备关店时用热水抹每张枱，感觉都关注卫生。先介绍自助吧，有：沙律：有分细同大，细嘅会用玻璃樽装，感觉都几环保，如果大嘅都可以用玻璃就好）汤（当日系大酱汤）白饭、意粉（当日啲意粉都会有轻轻调味，食落唔会觉得系就咁白烚，值得一赞）不同酱料，如烧汁、胡麻酱等雪糕：有云呢拿、朱古力、芒果（味道都正正常常，唔算好大惊喜）两个人嘅晚餐就叫咗美国大理石300G（$108），同美国猪鞍扒200G（$88）以呢个价钱，合理嘅质素，再加 $12 蚊就有咁多嘢拣嘅自助吧，个人认为好抵食﹗先讲大理石，啱岩黎到虽叫五成，但仲有少少生，要等多一阵慢慢煮。切开唔难，烧嘅时候温度够，锁到肉汁，食落唔错而猪鞍扒呢，卖相相当吸引，色泽几授，有几旧蔬菜垫住以防太熟会太老，开头热食都唔错