功夫點心

营业中

休息中

星期五放工去深水埗食晚饭，好耐无食过点心，同埋唔洗等位就入左去试。menu都几多选择，平时酒楼有嘅依到都有。鲜虾腐皮卷($22)，新鲜炸起，加埋喼汁好滋味，不过太油腻，食得多好济。功夫虾饺王($9只，两只起)，皮唔会太厚恰到好处，加埋爽口嘅虾肉，整体好食。蟹籽香菇烧卖王($9只，两只起)，猪肉唔会搅到太碎，食得岀好足料，加上冬菇嘅香味，两者绝配。黄金流沙包($9个，两个起)，一笼一个，可想而知系比平时岀面食嘅大，入面keep到超流心，要小心食唔好辣亲。不过味道方面，奶味偏重，食唔到咸蛋黄嘅咸香味同沙沙嘅口味。怀旧绵香马拉糕 ($20)，浓郁黑糖味但唔会过甜，口感软绵有弹性翡翠叉烧肠 ($24)，叉烧好足料，外皮非常烟韧，配埋甜豉油，令人想encore。秘制牛腩肠粉煲 ($34)，味道普通，只系牛腩加上斋肠，肠粉口感过软，并不推荐。两个人连埋茶位食左$182，每人$100都唔洗好抵食，大部分点心都值得推荐，下次夜晚想食点心可以再试！