影片
更多
2021-06-02
899 浏览
🚶🏻位置：由深水埗A出口转左行七分钟就到，位置嚟讲唔算好就脚，但入到入个头可以享受一个人烟稀少、安静嘅下午都十分值得。环境：餐厅主要用灰色调，用上木台加返温馨感。入门口右手边系一啲杂志/文学刊物嘅寄卖处，左手边就系menu，一目了然睇晒有咩食。行前多少少就会有啲展览，例如我早两日去到就系Grey Day x Openground, 展示灰色系嘅new balance波鞋，餐厅仲加入咗特别menu 配合呢个展览。除此之外，餐厅都有寄卖黄店小饰物，大家一定要望吓呀(*¯︶¯*)食物：🟠Croissant Set $52店内可以嗌嘅嘢食唔多，咁啱今日嚟到又只系想食少少嘢，就嗌咗呢个set。一个set 包含一个牛角包同一杯 $45或以下嘅饮品。如果你嚟系想有个安静嘅地方睇吓书，又唔想食到咁饱，呢个set真系你首选。落单嘅时候，可以拣加芝麻同唔加，我同朋友两款都嗌咗。我自己觉得加咗黑芝麻嘅闻落多层次啲，唔止有牛角包嘅面包味，仲有烘过嘅黑芝麻味；朋友就中意食原味多啲。Croissant 整得好有层次，见到一层层酥皮，咬落一啲都唔油腻，配埋杯咖啡就好够。⚪️Iced White Latte （跟Set
环境：餐厅主要用灰色调，用上木台加返温馨感。入门口右手边系一啲杂志/文学刊物嘅寄卖处，左手边就系menu，一目了然睇晒有咩食。行前多少少就会有啲展览，例如我早两日去到就系Grey Day x Openground, 展示灰色系嘅new balance波鞋，餐厅仲加入咗特别menu 配合呢个展览。除此之外，餐厅都有寄卖黄店小饰物，大家一定要望吓呀(*¯︶¯*)
食物：
🟠Croissant Set $52
店内可以嗌嘅嘢食唔多，咁啱今日嚟到又只系想食少少嘢，就嗌咗呢个set。一个set 包含一个牛角包同一杯 $45或以下嘅饮品。如果你嚟系想有个安静嘅地方睇吓书，又唔想食到咁饱，呢个set真系你首选。
落单嘅时候，可以拣加芝麻同唔加，我同朋友两款都嗌咗。我自己觉得加咗黑芝麻嘅闻落多层次啲，唔止有牛角包嘅面包味，仲有烘过嘅黑芝麻味；朋友就中意食原味多啲。Croissant 整得好有层次，见到一层层酥皮，咬落一啲都唔油腻，配埋杯咖啡就好够。
⚪️Iced White Latte （跟Set)
平时饮开热嘅，但因为天气太热，最后都系嗌咗杯Iced White Latte. 个人觉得加咗冰遮盖咗咖啡味，咖啡豆香气无咁出，味道亦淡咗不少。下次会嗌返热嘅。ʕ •ᴥ•ʔ
P.S. 去个日系星期二，四点松啲到已经无晒cake；另一次嚟系星期六接近六点钟，就仲有两款cake净。
整体：论舒适度，呢间系满分。张台好大，slashers 同学生都可以系度做嘢，而且无用餐时间，任你坐几耐都得。不过要注意嘅系店内比较安静，如果想揾地方同朋友叙吓旧倾吓计，呢个地方就未必啱你～
张贴
