久兵衛外賣壽司店 (已結業)

黄埔区一向多美食，最近喺黄埔新开咗一间寿司外卖专门店，一出黄埔港铁站附近就到，好方便。呢度提供好多时令水产，定期喺日本新鲜空运到港，刺身寿司款式多样，梗有一款啱大家。今次买咗丼饭，卖相吸引。久兵卫丼人气推介久兵卫丼，即叫即整。呢款有多款新鲜食材，性价比好高，包括有拖罗、三文鱼、油甘鱼、北寄贝、帆立贝、鱿鱼、左口边、深海池鱼、三文鱼子、赤虾同日本海胆。每种鱼类刺身都好新鲜，个人最钟意呢度嘅帆立贝同埋赤虾。拖罗厚切，鱼油丰腴，入口即溶；油甘鱼味道清鲜；左口边鲜味甘香，略带口感；帆立贝大粒厚肉爽弹，味道甘甜；北寄贝肉质爽脆；三文鱼子晶莹剔透，粒粒饱满，脆卜卜，咬落口感一流；赤虾大大只，爽口弹牙；另外海胆嘅份量几多，口感creamy带鲜甜。最后食泡芙作为饭后甜品，大满足。