新廣南餐室

营业中

休息中

继续食好嘢，黎到一间怀旧餐厅。呢间新广南已经系1945年开到依家，经历咗好多唔同时期嘅香港。同老板可以讲到两句，又知道下以前嘅历史。嘢食都好特别，要食嘅系佢地嘅海南鸡饭，今次我地点啲特别嘅。呢个系鲜虾参乜，小小沙嗲味，唔辣，系香口。虾已经去哂壳，虾都大只多肉，又煮得入味。生炒骨，呢味我都好钟意，啖啖肉，啲汁又够，配饭系一流。沙嗲系铁板上㗎，呢啲风味真系卖少见少（搞到好想食铁板系列嘅嘢食）。佢个酱系秘制，唔会太辣，花生味又够浓，食左小小肉，再食青瓜同菠萝，好正。粟米斑块，皮唔算好厚，ok。红豆冰，呢个亦系特色之一。系用碗上，仲要系一旧沙冰系中间，红豆够哂淋，刚刚好出小小沙，每啖都透心凉。当然唔少得要食油饭老板真系好用心，所有嘢都亲力亲为，确保所有材料都系新鲜。