影片
更多
2023-05-29
48 浏览
之前有好几次经过黑布街都有留意到呢间餐厅，主要原因系好似次次经过入面都好多人咁，今次终于同男朋友决定要入去试一试～———————————————🌟Tap's Smash Burger 脆边汉堡 $108呢个脆边汉堡主要系有双层本地屠宰免治牛，呢两层牛相当之厚，而且煎到表面好香脆，咬落去嘅时候牛味好重肉汁亦都出晒嚟。汉堡入面另外都有双层车打芝士同黑椒蛋黄酱，又邪恶又好食。.🌟Happy Fish Burger 开心乐鱼堡 $108呢个鱼堡最令人惊喜嘅地方系原来中间旧鱼柳真系好鬼厚🤣咬落去真系啖啖肉，另外配有咸酸菜他他酱同波菜苗，呢个配搭真系一流～.🌟Calamari 炸鱿鱼圈 $78鱿鱼圈上台热辣辣咬落都好弹牙，酱方面亦都系配咸酸菜他他酱，呢个酱真系配所有炸物都好正。.🌟Cha Chaan Teng 咸柠啤 0.4L $76呢个系由少爷啤出品嘅手工啤，廿苦度相对比较低而且只有4%酒精浓度，味道方面个人认为系惊艳嘅，基本上佢有少少啤酒味但又唔会好重。第一下入口系啤酒麦香味，然后咸香就会开始出，最后个咸味会愈嚟愈重，个人认为系真系好好饮。.🌟Beautiful Rangers 荔枝玫瑰红茶菌
之前有好几次经过黑布街都有留意到呢间餐厅，主要原因系好似次次经过入面都好多人咁，今次终于同男朋友决定要入去试一试～
———————————————
🌟Tap's Smash Burger 脆边汉堡 $108
呢个脆边汉堡主要系有双层本地屠宰免治牛，呢两层牛相当之厚，而且煎到表面好香脆，咬落去嘅时候牛味好重肉汁亦都出晒嚟。汉堡入面另外都有双层车打芝士同黑椒蛋黄酱，又邪恶又好食。
.
🌟Happy Fish Burger 开心乐鱼堡 $108
呢个鱼堡最令人惊喜嘅地方系原来中间旧鱼柳真系好鬼厚🤣咬落去真系啖啖肉，另外配有咸酸菜他他酱同波菜苗，呢个配搭真系一流～
.
🌟Calamari 炸鱿鱼圈 $78
鱿鱼圈上台热辣辣咬落都好弹牙，酱方面亦都系配咸酸菜他他酱，呢个酱真系配所有炸物都好正。
.
🌟Cha Chaan Teng 咸柠啤 0.4L $76
呢个系由少爷啤出品嘅手工啤，廿苦度相对比较低而且只有4%酒精浓度，味道方面个人认为系惊艳嘅，基本上佢有少少啤酒味但又唔会好重。第一下入口系啤酒麦香味，然后咸香就会开始出，最后个咸味会愈嚟愈重，个人认为系真系好好饮。
.
🌟Beautiful Rangers 荔枝玫瑰红茶菌 $80
呢枝其实系一种有汽益生菌发酵茶，只有0.5%酒精浓度，所以味道其实一啲都唔会苦，基本上所有原才料都系用有机嘅植物包括玫瑰同洛神花。整体味道系偏酸，玫瑰香味好出，饮落什至有少少觉得系一种手摇饮品，系好值得一试嘅饮品。
.
🔸整体评价🔸
所有食物同饮品都非常满意，餐厅入面真系有好多特色啤酒选择，建议钟意饮啤酒嘅话真唔可以错过。另外餐厅入面仲有啲Boardgame可以借嚟玩，大家收工约埋朋友仔过嚟慢慢Chill都仲得啊🥰
张贴
