影片
更多
2023-11-03
18 浏览
原本以为猫猫Cafe食物质素都唔会话好高，但呢间Cafe真心有惊喜，我同朋友叫咗个$368二人餐，整体食物水平都好唔错。———————————————🌟杂菜沙律及餐汤先系嚟咗个杂菜沙律，蔬菜都好新鲜，连埋柚子油醋汁几开胃！餐单方面系南瓜忌廉汤，饮落甜甜地又有南瓜味都唔错。.🌟轻煎日本带子咸蛋黄烤南瓜饭呢个系最令我最有惊奇嘅一个菜式，个咸蛋黄味真心令到成个菜式升华，入口非常香。中间夹有南瓜肉，饭粒都住得好烟韧。中间一共有三粒带子，唔算话好大粒但系每粒都好鲜甜！.🌟香煎纽西兰草饲肉眼扒配薯角我哋叫咗五成熟，出嚟效果都好好。材料上唔会话系用好高质嘅牛，但胜在筋唔多同埋厨师技术好，熟成度掌握得好好，外皮煎得靓入面有够粉嫩。.🌟精选甜品甜品方面系有椰子雪糕，椰子味重又唔会话太甜，配上少量杂果同朱古力酱，作为收尾都唔错。.🌟山政浓口焙茶呢度嘅热焙茶latte味道香浓，又唔会太甜，重点系会拉个好靓嘅花，今次我就有拉咗个熊仔连同手掌，真系非常得意打卡一流😍.🌟冻式部之昔另外就叫咗杯冻嘅抹茶latte，抹茶味都算浓郁👍🏻.🔸整体评价🔸猫奴真系一定唔可以错过，餐厅入面有十几只猫陪你一齐食嘢，基本上全部都好
原本以为猫猫Cafe食物质素都唔会话好高，但呢间Cafe真心有惊喜，我同朋友叫咗个$368二人餐，整体食物水平都好唔错。
———————————————
🌟杂菜沙律及餐汤
先系嚟咗个杂菜沙律，蔬菜都好新鲜，连埋柚子油醋汁几开胃！餐单方面系南瓜忌廉汤，饮落甜甜地又有南瓜味都唔错。
.
🌟轻煎日本带子咸蛋黄烤南瓜饭
呢个系最令我最有惊奇嘅一个菜式，个咸蛋黄味真心令到成个菜式升华，入口非常香。中间夹有南瓜肉，饭粒都住得好烟韧。中间一共有三粒带子，唔算话好大粒但系每粒都好鲜甜！
.
🌟香煎纽西兰草饲肉眼扒配薯角
我哋叫咗五成熟，出嚟效果都好好。材料上唔会话系用好高质嘅牛，但胜在筋唔多同埋厨师技术好，熟成度掌握得好好，外皮煎得靓入面有够粉嫩。
.
🌟精选甜品
甜品方面系有椰子雪糕，椰子味重又唔会话太甜，配上少量杂果同朱古力酱，作为收尾都唔错。
.
🌟山政浓口焙茶
呢度嘅热焙茶latte味道香浓，又唔会太甜，重点系会拉个好靓嘅花，今次我就有拉咗个熊仔连同手掌，真系非常得意打卡一流😍
.
🌟冻式部之昔
另外就叫咗杯冻嘅抹茶latte，抹茶味都算浓郁👍🏻
.
🔸整体评价🔸
猫奴真系一定唔可以错过，餐厅入面有十几只猫陪你一齐食嘢，基本上全部都好乖，唔会怕人又可以随便摸。餐厅入面一啲异味都冇，啲猫猫都打理得好干净，推荐各位钟意猫猫嘅朋友都可以过嚟治愈心灵❤️
张贴
