佐賀燒肉谷 (雅蘭中心)

营业中

休息中

今日去咗旺角雅兰中心一间叫「佐贺烧肉谷」嘅餐厅食放题晚餐，放题有4个价格嘅餐可以选择，我哋今次拣咗level 3嘅澳洲和牛海鲜放题，128分钟可以任食128款食物，而且可以任嗌日本清酒同生啤。餐厅都好贴心咁每人提供咗即弃围裙，令顾客食嘢嘅时候可以放心唔使比酱汁同油烟整污糟件衫。呢个餐会先上咗一盘澳洲和牛同海鲜拼盘，食完先再用QR code加单，肉类包括澳洲和牛肉眼芯、特上牛肋肉、上级牛胸肉、厚烧牛舌，各个部位都有唔同嘅肉质口感，而且腌料可以选择原味、烧汁、盐味、黑椒、蒜蓉味噌或辛味，同一款肉都可以试唔同嘅味道，自由配搭选择。海鲜拼盘就包括鲍鱼、日本广岛蚝、青口、大虾同翡翠螺，烧烤时比较需要技巧，要掌握到煮熟同过熟嘅时机，另外加单仲可以嗌鱿鱼筒、三文鱼鳍、鳗鱼等等。餐厅最近推出咗一个水果夏祭，有多款配合夏天口味嘅特色食物，例如杂果酱封门柳壶渍、杂果酱梅花壶渍、杂果酱腌𠝹花鱿鱼、吕宋芒杂果沙律、椰青糯米糍等，全部都有鲜果做材料，味道非常清新，当中特别推介杂果酱封门柳壶渍，肉质结实，封门柳吸收哂杂果酱，用较剪剪开一件件咁烧会更容易；另外，猫山王榴梿刈包每人限叫一件，D24榴梿肉绵滑细腻，食完