REFLECT Restaurant & Bar

今日去咗旺角一间叫「REFLECT Restaurant & Bar 」嘅餐厅食墨西哥菜，餐厅嘅装修非常有情调，室内嘅灯光昏暗，有一个好靓嘅酒吧枱，室外嘅位置亦都好舒服，啱晒同朋友倾偈，墙上有幅好大嘅涂鸦壁画，另外有大风扇吹住，夏天才户外都唔怕热。🍊 手工单骨炸鸡翼单骨鸡翼食起上嚟好方便，而且鸡翼新鲜炸起，外皮酥脆，加上特别嘅薄荷乳酪酱，有种清新而唔油腻嘅感觉🍊 墨西哥夹饼派对食墨西哥菜又点少得Tacos! 呢个墨西哥夹饼派对有三件，馅料系蘑菇、鸡肉同牛肉各一件，外层系炸玉米饼，食落香脆而且玉米味道浓郁，唔同嘅馅料都系配牛油果酱、莎莎酱同酸忌廉，味道酸甜好开胃🍊 鸡肉芝士馅饼Quesadilla亦都系另一样墨西哥菜必嗌嘅餐点，外层系煎玉米饼，比起Tacos冇咁脆口，不过玉米嘅味道一样浓郁，馅料夹住芝士同鸡肉，配料系蕃茄粒、洋葱粒、牛油果酱同酸忌廉，口感味道丰富，而且重饱肚感🍊 海胆酱大带子扁意粉推介呢个意粉比钟意食海胆嘅朋友，海胆酱味道浓厚，质地浓稠，满满地挂喺每一条扁意粉上面，香煎大带子嘅口感爽口弹牙，三粒都几大粒，杂锦香菇吸满晒海胆酱，成个意粉食完好满足📍旺角西洋菜南街74-84号