申子居酒屋

营业中

休息中

今日去咗旺角一间叫「申子居酒屋 」嘅餐厅食晚餐，餐厅嘅装修充满日式风格，下层系对住师傅嘅吧枱，上层嘅座位宽敞，适合同朋友聚餐。🍊鲜蟹肉粥非常推介大家食呢个蟹肉粥，热锅嘅形式上菜可以保持蟹粥嘅热度，望落去已经比满满嘅松叶蟹肉同蟹籽吸引，粥底煲得非常绵，将蟹肉同蟹籽搅匀之后就可以得到每一啖都好鲜甜嘅粥，而且粥嘅份量非常多，冬天食热辣辣嘅蟹肉粥就啱晒啦🍊汁煮左口鱼裙边非常特别嘅一道前菜，通常食左口鱼裙边都系炙烧后再配寿司，但呢度前菜系将左口鱼裙边先以炙烧嘅方法将鱼嘅油脂逼出来，然后再浸喺味道带酸而又清新嘅柚子酱汁，顶层铺满三文鱼籽同乌鱼子，外观非常吸引，味道酸甜开胃🍊申子新卷呢度系餐厅招牌嘅卷物卖相几吸引，一碟有六件，上层有三文鱼籽、海胆、吞拿鱼蓉同大葱，入面包住香脆嘅鱼皮，成件卷物嘅口感层次丰富，三文鱼籽脆口，海胆同吞拿鱼蓉亦都带有鲜味，鱼皮脆脆嘅口感亦都几特别🍊极上盐烧牛舌心牛舌心属于厚切，呈粒粒状，烧熟嘅程度掌握得啱啱好，牛舌表面嘅颜色仍然粉嫩，咬落去口感弹牙唔韧，盐烧亦都提升咗牛舌嘅味道🍊豚肉芦笋卷豚肉属于薄切，烧香后嘅油脂味道几香，中间嘅芦笋烧完之后仍然保持到甘甜多汁🍊软芝士黑豚卷