影片
更多
2015-11-04
676 浏览
最近西营盘区越开越多新食肆，其中呢间高街面霸的车仔面小店开业三个月，已经迅速成为天后Sammi 同容祖儿热捧的面店！虽然帮衬当日无捕获明星，不过店内的墙上都挂上唔少明星帮衬帮衬后的留影。面店设计简约带点怀旧，以灰色、红色为主调，楼底又够高，同一般面舖好唔同！除咗一般车仔面店都有的配料之外，呢度最特别就系有多款卤水的𩠌拣选，好似卤水鸡子、卤水糖心蛋同卤水坑腩等等，仲有长洲大鱼蛋添！不过一款𩠌都要$9起，最少要点3款，面底亦要另外加钱。讲开面底最正系刀削面都有，不过帮衬当日咁啱卖哂><同男友一人点咗一碗，我就无要面，拣咗猪红、鱼蛋、萝卜同卤水猪颈肉。我认为睇间车仔面舖好唔好食，就要食最基本的𩠌。不过黎到见到碗𩠌劲细、劲少咁，都觉得唏嘘== 好似食神星爷话斋鱼蛋无鱼味，又唔弹牙，完全唔知佢系边度入货，另外个几款就普通，无咩特别。汤底点咗腩汁加咖哩小辣，但系咖哩味唔够突出。男友拣咗猪大肠、鸡子同坑腩配粗面、腩汁加麻辣，基本上3款𩠌都系卤水，3款都好味，特别系鸡子，够入味又唔会太淋，极度建议大家拣卤水𩠌！钟意食鸡子既不妨叫一碟做小食！不过就算男友个碗加埋个面感觉都系好细碗。可能因
最近西营盘区越开越多新食肆，其中呢间高街面霸的车仔面小店开业三个月，已经迅速成为天后Sammi 同容祖儿热捧的面店！虽然帮衬当日无捕获明星，不过店内的墙上都挂上唔少明星帮衬帮衬后的留影。面店设计简约带点怀旧，以灰色、红色为主调，楼底又够高，同一般面舖好唔同！
除咗一般车仔面店都有的配料之外，呢度最特别就系有多款卤水的𩠌拣选，好似卤水鸡子、卤水糖心蛋同卤水坑腩等等，仲有长洲大鱼蛋添！不过一款𩠌都要$9起，最少要点3款，面底亦要另外加钱。讲开面底最正系刀削面都有，不过帮衬当日咁啱卖哂><
同男友一人点咗一碗，我就无要面，拣咗猪红、鱼蛋、萝卜同卤水猪颈肉。我认为睇间车仔面舖好唔好食，就要食最基本的𩠌。不过黎到见到碗𩠌劲细、劲少咁，都觉得唏嘘== 好似食神星爷话斋鱼蛋无鱼味，又唔弹牙，完全唔知佢系边度入货，另外个几款就普通，无咩特别。汤底点咗腩汁加咖哩小辣，但系咖哩味唔够突出。
男友拣咗猪大肠、鸡子同坑腩配粗面、腩汁加麻辣，基本上3款𩠌都系卤水，3款都好味，特别系鸡子，够入味又唔会太淋，极度建议大家拣卤水𩠌！钟意食鸡子既不妨叫一碟做小食！不过就算男友个碗加埋个面感觉都系好细碗。
可能因为份量较少的原故，所以呢度都有好几款小食提供，等大家可以叫多d野挂∼ 所以我地另外都叫咗怀旧蛋花炒肠粉同七味鸡槌，老板特别推介肠粉，因为佢话个酱系佢唧上去架㖞！但系呢味肠粉可以话系全店最好食既，虽然都好难唔好食，不过起码肠粉有口感，唔会煎到太淋pat pat散收收咁。而鸡槌就非常普通，同一般炸鸡槌无分别，食唔出七味粉的味。
我谂要净系食碗车仔面要食得饱的话，都要起码5、60蚊喇，如果唔系就要叫小食，因为份量真系少得有点离谱。如果想撞下明星都可以黎碰碰运气，但真系想食碗亲民地道的车仔面都系食番新记/荣记开心d!张贴
