銘陽車仔麵 (已搬遷) 新店位置

朋友介绍呢间车仔面店，今日刚好大家都想食车仔面，所以就来试下。餐厅座位几阔落，坐低左，我地就开始点嘢食。餐厅无论是车仔面还是小食的选择都好多，让有选择困难的我们更需要时间去决定。见到阳江猪肠碌，好似好特别，我冇试过，店员话呢个其实类似肠粉入面包住炒芽菜河粉，肠粉芽菜河粉都系我十分喜欢的，所以二话不说就点左呢个。上碟时是热辣辣的，肠粉皮烟烟韧韧，入面的芽菜炒河粉也很惹味，口感十足！推介！另外我地都叫左呢度招牌嘅炸豆腐，都系即叫即整，个酱汁是老板秘制的，甜甜地，有少少像甜酱，特别是有少少辣味，令人胃口大开。香辣牛展，味道好特别，酸辣的酱汁令整个牛展口感更突出，值得一试！香辣鸡翼，脆口嘅外皮包住入面鲜嫩既肉，好味道。我地仲叫左两款车仔面，一款是6味𩠌，有牛肚，辣肉燥，辣木耳，豆卜，酸菜和贡丸，有埋酸菜，酸酸辣辣，好开胃！另一款是3𩠌车仔面，有鲜甜萝卜，炭烧猪颈肉和柱侯牛腩叫上秘制的沙爹酱。甜萝卜非常鲜甜，下次去都一定会叫。沙爹酱的汤底好好味道！