嚐仙

营业中

休息中

【东区】【尝仙】同朋友喺太古城附近食完饭，时间尚早就食吓甜品啦。不过虽然我曾经系一个十八区 foodie，而且而家作为十八区饮食生活杂志嘅掌舵人，但系我都唔系太熟𠮶头附近啲甜品。好彩朋友畀到啲启示，咁我哋就行过去食佢喇。讲紧嘅就系呢间「尝仙」喇，其实我已经食过呢间嘢嘅尖东分店 n 咁多次，之但系唔知点解次次都事后唔记得咗件事，我就摷唔返啲相喇。咁冇相嘅话我又点写嘢呢，因此我系一次都冇写过呢间嘢嘅，显示出我效率好低咁添。今次我估自己写到喇，因为同朋友去可能会认真啲做事前工夫，扮晒嘢吖嘛。去到点知发现间嘢都冇乜人，同啲旺区嘅甜品店可以话系大相迳庭。朋友叫咗个 $44 嘅「纯嫩仙草」再加 $10 要「芋圆」，佢话唔错，味道唔差咁话。我就叫 $60 嘅「姜汤五式豆花」，可以喺姜汤上面任拣五款材料，我拣咗芋泥、芋圆、芝麻汤圆、珍珠、小丸子，味道都唔错，姜味够浓香，辣度都足。而个豆花底就相对比较一般，冇乜特别。呢度食糖水一般，唔会特别想食。。。（地址：太古康山道1-2号康怡广场北座2楼S13-S14号舖）#1amfoodie #hkig #foodie #hk #hongkong #hongkon