正九清湯腩．冰室 (美輪大廈)

营业中

休息中

【东区】【正九清汤腩．冰室】之前同变本姐同感应姐食过呢间嘢，觉得好正。之后有机会同美女朋友食饭，就大胆提议试呢间，稳稳阵阵，起码一定好食先。美女朋友试咗佢哋 $52 嘅「清汤牛肚河」，佢话啲牛肚唔错，河粉都几正。嘢饮方面佢加 $8 饮「冻奶茶」，佢话惊喜地好饮。而我就试咗样我要求得比较高嘅先，系 $52 嘅「正九牛肉羹」，我食牛肉羹系好讲究，佢哋呢款打到牛肉变肉饼嘅系「软羹」，系福建泉州嘅做法，而呢度都整得唔错。另一款「硬羹」系牛肉片咁上，系福建石狮、晋江一带做法，有机会再同大家讲得详细啲。跟住试 $42 嘅「净菜肉云吞」，都好食。加 $8 试「冻咖啡」，啲嘢饮又真系冲得几好饮。见大家仲有 quota，叫埋 $72 嘅「五柳炸流心蛋」，原来系煎蛋嚟，以为圆姑碌咁上，个酱酸酸甜甜都几正。埋单夹埋 $234，价钱 okay 呀，最紧要啲嘢好食吖嘛。。。（地址：英皇道442-456号美轮大厦地下12及12A号舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybit