影片
更多
2023-05-06
449 浏览
【东区】【泽记快餐饭店】好耐冇返过柴湾个 office，呢几年不但自己多事，又适逢遇到社会运动、肺炎疫情等影响，就算开会都系用 zoom。今日终于重临柴湾，谂起几年前喺家人见证下喺度领奖，真系百般滋味在心头，而家就系充满苦涩味嘅。虽然自己面对诸般嘅困难，不过日子都系要过嘅。我一向都中意买啲糕点上去慰劳吓啲手足，我不擅辞令，冇咩做得到以答谢佢哋嘅帮忙，最简单就系喂食。都唔知呢头开咗新嘅蛋糕店，帮到吓手呀吓，谂起之前买到唔知买边间好都觉得有趣。疫情虽然令到好多 project 停咗，但系我都喺近年开咗呢个 foodie 帐户，分享咗好多食过嘅嘢同埋对不同事物嘅睇法。我都知自己嘅 post 唔系食评嚟，而系充满 xanga 味道嘅日记咁款，咁我都唔否认嘅，打吓日记，对冇乜朋友嘅人嚟讲系一个唔错嘅抒发。经佢哋介绍，我就决定嚟呢度试柴湾名物「泽记鱼柳包」，一揾资料，都几多人提㖞。呢啲餐厅真系唔怕写，又唔贵，而且令我好似好专业捐窿捐罅揾嘢食咁。我去到先知，之前好似同佢哋喺度买过外卖返 office 食，感觉都唔错架㖞。我就叫咗个佢哋介绍嘅「巨型鱼柳包」，本身谂住都系大过正常啲啲，叫埋奄烈，点知一上
虽然自己面对诸般嘅困难，不过日子都系要过嘅。我一向都中意买啲糕点上去慰劳吓啲手足，我不擅辞令，冇咩做得到以答谢佢哋嘅帮忙，最简单就系喂食。都唔知呢头开咗新嘅蛋糕店，帮到吓手呀吓，谂起之前买到唔知买边间好都觉得有趣。
疫情虽然令到好多 project 停咗，但系我都喺近年开咗呢个 foodie 帐户，分享咗好多食过嘅嘢同埋对不同事物嘅睇法。我都知自己嘅 post 唔系食评嚟，而系充满 xanga 味道嘅日记咁款，咁我都唔否认嘅，打吓日记，对冇乜朋友嘅人嚟讲系一个唔错嘅抒发。
经佢哋介绍，我就决定嚟呢度试柴湾名物「泽记鱼柳包」，一揾资料，都几多人提㖞。呢啲餐厅真系唔怕写，又唔贵，而且令我好似好专业捐窿捐罅揾嘢食咁。我去到先知，之前好似同佢哋喺度买过外卖返 office 食，感觉都唔错架㖞。
我就叫咗个佢哋介绍嘅「巨型鱼柳包」，本身谂住都系大过正常啲啲，叫埋奄烈，点知一上菜，哗，侍应话冇猪仔包用方包代替，之但系块方包根本冚唔住块鱼柳。只碟虽然都大，但系块鱼柳更大，所以厨师将块鱼柳折咗入去些少，好夸张。
味道上其实块炸鱼柳都系一般水平，不过真系超级大块，肚饿先好去，配合埋青瓜、蕃茄、千岛酱，成件事几完整。加 $10 要嘅「火腿奄烈」都大，都霸咗成半只碟，味道都 okay 嘅。而餐饮「冻奶茶」就冇乜特别，$45 呢个价钱真心超值。
话虽如此，坐嘅环境同服务，其实都真系唔适合所有人，露天嘅情景，有货车经过时呼呼作响嘅帐篷，狭小嘅折櫈，都系佢嘅缺点。我唔想就系话大家睇完我篇嘢，听到我话抵食，去到就嫌呢样嫌𠮶样，一定要畀返个心理准备大家先。
做完呢间之后觉得，自己虽然已经算系喺标榜做「周围食」嘅大众饮食嘅 foodie 里面做得「算系咁」，算系有所交待。不过讲到识饮识食，我真系远远落后于好多人，就算系呢啲名物，我都系要听人讲，咁迟先知，有时都觉得几惭愧吓。。。
（地址：柴湾吉胜街 10 号吉胜街熟食市场地下）
#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #1ambackup #1am0493 #hkigfood #hkfoodlove #hkfoodblog #globaleats #foodieman #1am东区 #柴湾 #泽记快餐饭店 #泽记 #泽记鱼柳包 #下午茶 #鱼柳包 #大牌档 #巨型鱼柳包 #火腿奄烈 #冻奶茶
张贴
