影片
更多
2023-05-06
2501 浏览
【东区】【犀牛厨房】上次要同朋友食生日饭，不过准备不足之下，要去到夜少少先有枱。好彩朋友本身都系夜鬼，晏啲食都冇所谓，咁就玉成咗之前食烧肉𠮶餐，详情就参考返 1am0832 𠮶篇。不过食之前都要揾个地方坐吓等张枱，就揾到呢间。我饮杯 $40 嘅「脏脏咖啡」，佢写就系冻鲜奶加 Double Ristretto，系任由 espresso 弄脏纯白嘅鲜奶咁话，饮落去，喂好好饮㖞！争啲即场买多杯呀！朋友饮 $46 嘅「单品冷萃咖啡」，佢本身几中意 Cold Brew，佢觉得 okay。而佢仲食咗件 $42 嘅「柠檬芝士蛋糕」，佢最特别之处系喺本身 American Cheesecake 饼底上面插上一片以 18 小时风干嘅柠檬片嚟点缀吓件事。我有食一啖试吓，都几好。咁样两杯嘢饮加件 cake 就 $141，唔紧要，我畀。食完呢次冇耐之后又有机会过嚟呢边食嘢，我就建议食吓呢度啲正餐，咁我又可以写吓嘢吖嘛。而家我身边嘅人大多数都好就我，去边都冇所谓，咁就再入去坐低咗。我同朋友 share 食，主菜、甜品、饮品各两样就啱啱好啦。主菜食咗 $95 嘅「油封鸭髀香蒜橄榄油意大利面」，初初都有担心成件事会
我饮杯 $40 嘅「脏脏咖啡」，佢写就系冻鲜奶加 Double Ristretto，系任由 espresso 弄脏纯白嘅鲜奶咁话，饮落去，喂好好饮㖞！争啲即场买多杯呀！朋友饮 $46 嘅「单品冷萃咖啡」，佢本身几中意 Cold Brew，佢觉得 okay。
而佢仲食咗件 $42 嘅「柠檬芝士蛋糕」，佢最特别之处系喺本身 American Cheesecake 饼底上面插上一片以 18 小时风干嘅柠檬片嚟点缀吓件事。我有食一啖试吓，都几好。咁样两杯嘢饮加件 cake 就 $141，唔紧要，我畀。
食完呢次冇耐之后又有机会过嚟呢边食嘢，我就建议食吓呢度啲正餐，咁我又可以写吓嘢吖嘛。而家我身边嘅人大多数都好就我，去边都冇所谓，咁就再入去坐低咗。我同朋友 share 食，主菜、甜品、饮品各两样就啱啱好啦。
主菜食咗 $95 嘅「油封鸭髀香蒜橄榄油意大利面」，初初都有担心成件事会唔会太干，不过食落又唔会，个传统意大利橄榄油蒜片意大利面都易入口，又够大兜。不过只鸭髀讲到皮金香松脆、肉软嫩多汁，又好似吹大咗咁。
之后到 $198 嘅「纽西兰顶级PS草饲肉眼牛扒」配新鲜烤蔬菜，五成熟算系做得啱啱好，因为肉眼通常中间会有一块明显嘅油脂，五成熟左右就可以将啲油脂烧透，散发出牛油香味而又肉质鲜嫩。不过佢得 10 安士，唔多够喉。
叫正餐再叫嘢饮有半价，所以杯有蓝柑、青柠、菠萝、蓝莓、梳打嘅「海洋奇缘」只系 $18，呢个组合几清新，个颜色又似海洋。朋友𠮶杯「夏日果旅」都系 $18，由菠萝、橙、柠檬、石榴、薄荷、梳打组成，佢冇乜意见。
甜品就叫咗个 $46 嘅「小朋友雪糕朱古力」，即系「儿童 Affogato」呀，有花生、朱古力片、雪糕同埋热朱古力奶，几甜几得意，仲有棉花糖喺里面。另外仲有 $42 嘅「三重朱古力蛋糕」，几浓几正嘅。夹埋 $459，合理价钱吖。。。
（地址：西湾河圣十字径2号地舖）
#1amfoodie #hkig #foodie #hk #hongkong #hongkongfoodie #thatfoodiething #instagood #love #hkigfood #hkfoodlove #hkfoodblog #globaleats #foodieman #1am东区 #西湾河 #犀牛厨房 #脏脏咖啡 #冷萃咖啡 #柠檬芝士蛋糕 #油封鸭髀香蒜橄榄油意大利面 #纽西兰顶级PS草饲肉眼牛扒 #新鲜烤蔬菜 #海洋奇缘 #夏日果旅 #小朋友雪糕朱古力 #三重朱古力蛋糕 #1am0852 #1ambackup
张贴
