皇冠

营业中

休息中

【东区】【皇冠】好耐冇出东区 post，呢个地方真系冇乜机会去，亦都唔多朋友会无啦啦同我一齐去，所以都系靠自己。坐 682 巴士入去，坐坐吓就唔想落车，本身谂住砲台山、西湾河落车都冇 mood，咁样坐就唔小心入咗小西湾。大家如果睇咗我一段时间，都会知道好耐之前有一排我都有入小西湾食嘢。𠮶时我系入去小西湾运动场观赏香港超级联赛，香港嘅足球唔劲，亦都唔算好睇，不过我哋坚持入场，系净系口里支持本土文化嘅人唔会明嘅。入到嚟小西湾，因为都好耐冇嚟，要更新吓呢边嘅食肆情况。行行吓都发现有啲新嘢，同埋有啲写过嘅餐厅已经结业。咁我嘅注意力就梗系摆返喺新开嘅餐厅度，上次行经过都冇见过呢间，今次见到佢就当然会入去试吓佢啦。入到去觉得呢间嘢熟口熟面，不过呢度个冷气冻到我都有啲顶唔顺要转枱。叫咗个「特餐A」，主食系「鲜茄浓汤牛肉通粉」，佢系甜味比较高𠮶种茄汤，几易入口，而牛肉同通粉就正正常常，我觉得成件事算 okay 嘅。小食系「火腿炒滑蛋」，不过个滑蛋炒得麻麻，碟嘢唔够热之余仲有一大片蛋壳。反而块「丹麦多士」唔错，佢嘅味道令我终于谂起佢就系旺角𠮶间皇冠冰室，系唔错，佢呢间嘢个丹麦多士系好食过好多地方，松软又