真‧章魚無雙

营业中

休息中

【东区】【真‧章鱼无双】呢间其实我唔系第一次买，葵涌广场𠮶间之前都有买过，印象中都系唔错嘅。所以今次同朋友去太安楼扫街，当我哋扫扫吓好似仲争少少嘢嘅时候，同呢间嘢可以话系一拍即合。就系咁样，我哋就走到嚟佢舖头前面睇喇。见佢都有啲人排吓队，不过系喺可接受范围之内，所以我哋就买喇。原来系分六粒同八粒，味道仲可以双拼，不过有啲味就唔可以双拼咁解。我哋仲有其他唔少嘅食物要饮要食，所以就净系叫六粒，但叫两只味，试多啲味。一人拣一只味，我拣咗「真‧蜜糖芥末章鱼烧」，个蜜糖芥末酱同啲章鱼烧都几夹，而且都几邪恶吓。至于朋友拣嘅「真‧激葱章鱼烧」佢自己就劲中意，我都觉得唔错，主要系葱够多味道够劲，$35 嚟讲，系几抵食几滋味。咁我作为一个奇奇怪怪嘅 foodie，又点会食完一次几粒就算。上次同女性朋友食而获得好评嘅，今次咪试吓同男性朋友食，睇吓系咪咁照顾到唔同嘅顾客吖嘛。而且今次唔系两个人食，系三个人食，试埋叫八粒睇吓效果系点。首先个「真‧柚子章鱼烧」真系好有趣，甜甜哋咁个味好超乎想像。而「真‧沙律蛋章鱼烧」反而普通咗啲，两者好似各自为政，只系一个普通好食嘅章鱼烧，惊喜度不足。呢份 $42 唔贵呀，都有