翠灣漁港

营业中

休息中

【东区】【翠湾渔港】呢餐其实都食咗一段时间，不过冇乜机会贴出嚟。首先系近来稿件实在太密，冇乜空间摄到呢篇入去。再加上之前都讲过嘅十八区轮住出嘅问题，我自己都觉得对期待呢篇嘢嘅朋友系有所亏欠嘅，因为呢餐系同四位朋友一齐食。五个人最后我哋食咗五个𩠌、三个饭，唔算好多，不过大家差唔多年纪，已经唔可能好似以前咁暴饮暴食，享受吓食物就算。咁餐饭嘅缘起系喺柴湾开完会，难得大家都有期，梗系顺便食埋饭，仲有地胆讲呢间，话想我试吓。原来呢间酒楼系某电视台饮食节目主持「三姐」开嘅，虽然我唔知边个嚟，亦从未睇过佢嘅节目，但系呢个背景我估对食物质素应该有所要求。而听讲佢开张嘅时候有请张宇人议员嚟剪彩，咁样嘅话我就比较关心员工薪酬喇。食物方面，首先嚟 $108 嘅「花胶海味什菜煲」同 $98 嘅「芹香孜然牛肉」，两者都唔错，尤其后者，以前喺香港好少食呢啲酒楼𩠌食到孜然嘛。之后系「黄金鲜鱿」，$128 唔算劲抵，不过质素唔差，送酒亦都几夹。「海皇冬瓜盅」几足料同埋都几好饮，$128 好够我哋饮，仲有剩，唔错。叫个「鲜菠萝咕噜肉」，每一啖都甜中带酸，心中充满住女同事嘅玉容，呢 $98 抵畀。最后补半只「脆皮一品烧鸡