耀東號 (已結業)

【东区】【耀东号】唔知大家仲记唔记得，上次我咪食过一间叫泽记嘅巨型鱼柳包嘅，咁同一班柴湾好兄弟其实喺𠮶阵时都有提及呢间耀东号。不过𠮶次我系想食啲嘢，唔想食正餐，所以以粉面饭为主嘅耀东号就进入咗 waiting list。难得得闲，我就食埋呢间了咗件事吖。间嘢以我呢啲沙田柚嚟讲都几难去，虽然搭 682 或者搭地铁去到都唔系话要行好远，不过𠮶个位置真系好日都唔会去一次，都要跟 Google Map 以免兜路。去到见到佢全名系「耀东号餐厅」，自称「猪扒大王」，好呀，「我要进来了」。入到去，冇餐牌又冇人理，原来系要自己行埋去买嘢食，不过我估个个都系叫差唔多嘅嘢，所以唔多用 menu 咁解。我叫咗个「猪扒捞出前一丁」加煎蛋，哗，个捞丁好似浸过豉油咁，劲浓味，要打定电话约期洗肾先得，真系好浓。而猪扒方面，我觉得佢系整得唔错嘅，难怪得到大家推荐。不过以市面上好食嘅猪扒嚟讲，佢唔算极为突出，无需要特登入去柴湾食咁解。面上面加 $6 要嘅煎蛋几好，整得唔错。加 $13 要咗杯「冻柠茶」走甜系用嚟解个浓味为主，咁就 $67。我系未饱嘅，即场睇资料，有报导话佢哋啲牛脷系即日喺街市亲自拣，而且我都见到其他客人