金樂軒

营业中

休息中

【东区】【金乐轩川沪小厨】呢排处于休养期，所以挖返啲之前食咗但系因为排版问题一直都出唔到 post 嘅餐厅，好似寻日出𠮶间湾仔嘅粉面店咁，一移再移，最后去到寻日先出。好似今日要讲嘅呢间都系咁，拖吓拖吓原来已经系六月头嘅事喇。好似我呢啲餐餐出街食，日日努力写嘅人，每日得一篇真系唔够，不过之前都讲过个难处就唔再多讲，笔墨落返喺呢餐同朋友杀到入柴湾食嘅呢餐饭先。本身系想食柴湾家嫂，但系打电话去佢哋算早收同有少少串，唔食。经过呢间见唔错就入咗去，喺大家都唔食米饭嘅情况下，个 $63 嘅「花雕醉鸡」例牌就好似主食咁，但系上到嚟份量唔算好大，对得住个价，但味道亦都唔太出色，普普通通咁，反而碟 $68 嘅「椒丝腐乳通菜」几好食㖞。好难得我会称赞农作物，但佢嘅镬气同味道都系值得我嘅称赞嘅。跟住系 $65 嘅「醉猪手」，都系一般，同其他店嘅猪手比较系显得比较多骨。「椒盐鲜鱿」要 $96，漏咗单不过我哋都等，系值得等嘅，因为食落真系唔错。饮品方面都系啲罐装嘢，朋友嘅「七喜」$13，我嘅「加多宝」$15，都系正常而合理嘅价钱。我哋冇食一煲煲𠮶啲嘢，食几个小菜饮罐嘢，夹埋 $320，唔系一个差嘅体验，但系我觉