Viet & Thai

营业中

休息中

系小西湾番工可以话系无啖好食，但系依然无减我揾好西食嘅意志。之前系网上揾到依间餐厅，但系食评非常少，本身都有少少迟疑。一来担心依间餐厅仲系唔系营业紧，二来担心食物究竟好唔好食。但系有鉴于越泰菜系小西湾真系极之罕有，又真系想食泰国菜嘅关系，所以就拎起我嘅冒险精神去一战 Viet & Thai 。我同同事今日下昼2点去到，见到佢系仲营业紧嘅，唔洗摸门钉，而且仲唔洗等位添！坐低之后，睇下个Menu先。午餐食物选择非常多，海南鸡、猪手、红咖喱、冬阴功、越式法包应有尽有。野饮方面都有好多特色饮品。今次同事叫左冬阴功（虾）河粉、热情果梳打，而我就叫左猪脾饭、椰汁冰。同事话河粉份量十足，汤底唔错，系虾个口感差少少；热情果梳打唔错。我嘅猪脾饭唔错。猪脾够「林」，入口即溶，不过唔太热；油饭够热，味道唔错；个辣汁酸酸辣辣，将猪手升华到另一个层次！椰汁冰唔太甜，无沟水落足料。总括黎讲依度嘅泰菜系唔错嘅，值得番黎再帮衬！系价钱方面略嫌贵左D，唔系就Perfect啦。