Gochi (已結業)

已经唔系第一次食Gochi，记得佢一开张嘅时候俾人感觉几服务几高级，食物整体质素都好好，由其佢嘅手工意粉同pizza都好出色，所以一直以黎同屋企人都好常去食。好可惜近几次去都觉得无论服务同食物都大不如前😕。🔸假日午市A餐 - 烟三文鱼班尼迪蛋($128)今次叫咗一份假日午市A餐，包餐汤/沙律同一杯冻水果茶🍹。冇记错午餐menu都系近半年先推出，价钱的确比以前只有散叫抵食好多，不过食物质素就差咗。先讲餐汤，会配2块法包。每次黎个法包同汤都系热嘅，咁啱今日想帮佢写review就2样野都冻😂，我都帮佢唔到。去到主菜egg benedict，蛋嘅流心效果好满意，个包唔会因为个汁淋上面而淋哂，仲有啲脆脆地嘅口感。但系个薯条都系冻嘅，仲有少少炸唔透🙃关于服务，由于有以前嘅对比，所以依家觉得比以前差咗好多。以前黎食有种高级餐厅嘅感觉，服务细心有礼。今次黎觉得职员好有放题员工感觉，所有野都好急赶，连倒水都会弹到枱面有水，水果茶嘅杯外面仲要有糖浆，一摸上手成手都系… 希望可以尽早回复返以往有嘅质素🥲••••••••••••••••••••••••• 《Gochi》📍 乐富联合道198号乐富广场UG&1楼