影片
更多
2023-02-18
99 浏览
今次已經係我三訪呢間餐廳，成日都係IG見到好多人打卡，今次同朋友過嚟仲叫咗唔少菜，可以同大家好好介紹吓🫶🏻———————————————🌟太極鴛鴦魚 $388呢個鴛鴦魚分別係酸菜味同麻辣味，口味先唔講，個份量真係！超！級！大！完全係冇諗過會有咁大碗🤣唔係淨係個碗大，仲有入面嘅魚都有超多塊，而且幾乎冇骨同埋非常嫩滑。酸菜方面我哋選擇咗中酸中辣，味道食落覺得幾特別，同出面食開嘅有少少唔一樣，呢個酸菜有少少甜酸甜酸嘅感覺，個湯底飲落有少少清清地，麻辣方面食落唔算好辣，如果鍾意食辣嘅可以再選擇高少少嘅辣度，成個麻辣都好香，不過如果咸多少少會覺得更好食🤭另外湯入面都有好多好厚身同好煙韌嘅薯粉，呢個口感連埋個湯底都超啱我口味😆.🌟炸饅頭 $58呢個炸饅頭相信唔少人都應該見過，一上枱就已經超有氣勢，成個擺盤都令人眼前一亮，由諸葛亮手持羽扇企係船頭再插上「麻辣風雲」旗幟，船兩邊仲會不停噴煙出嚟，真係唔食得都影得！炸饅頭一共有六件，每件都非常外脆內軟，加埋煉奶真係不得了🤤.🌟孜然魔鬼炒羊肉 $168呢份羊肉一開頭睇價錢覺得有啲貴，但係食落真係覺得呢個價錢係值得嘅。羊肉份量有好多，肉質嫩滑，仲要炒得超惹味
———————————————
🌟太極鴛鴦魚 $388
呢個鴛鴦魚分別係酸菜味同麻辣味，口味先唔講，個份量真係！超！級！大！完全係冇諗過會有咁大碗🤣唔係淨係個碗大，仲有入面嘅魚都有超多塊，而且幾乎冇骨同埋非常嫩滑。酸菜方面我哋選擇咗中酸中辣，味道食落覺得幾特別，同出面食開嘅有少少唔一樣，呢個酸菜有少少甜酸甜酸嘅感覺，個湯底飲落有少少清清地，麻辣方面食落唔算好辣，如果鍾意食辣嘅可以再選擇高少少嘅辣度，成個麻辣都好香，不過如果咸多少少會覺得更好食🤭另外湯入面都有好多好厚身同好煙韌嘅薯粉，呢個口感連埋個湯底都超啱我口味😆
.
🌟炸饅頭 $58
呢個炸饅頭相信唔少人都應該見過，一上枱就已經超有氣勢，成個擺盤都令人眼前一亮，由諸葛亮手持羽扇企係船頭再插上「麻辣風雲」旗幟，船兩邊仲會不停噴煙出嚟，真係唔食得都影得！炸饅頭一共有六件，每件都非常外脆內軟，加埋煉奶真係不得了🤤
.
🌟孜然魔鬼炒羊肉 $168
呢份羊肉一開頭睇價錢覺得有啲貴，但係食落真係覺得呢個價錢係值得嘅。羊肉份量有好多，肉質嫩滑，仲要炒得超惹味😍味道唔算好辣但係孜然味超香，仲有好多洋蔥配料一齊炒，真係冇得頂👍🏻
.
🌟手撕包菜 $98
基本上我去每間川菜都一定會叫一份手撕包菜，今次一樣選擇咗中酸中辣，呢度嘅味道感覺唔夠酸，但反而多咗一種香蒜味，一樣好好食係另一番風味！
.
🌟洛神花茶 $48
初初係比佢賣相吸引，器皿就好似古代人用嘅酒樽同酒杯一樣，非常過癮。味道飲落酸酸甜甜，好濃郁而且非常開胃。
.
🌟鮮芒椰果玉露 $38
味道啱啱好唔會太甜，而且入面有好多椰果。
.
🌟香辣螞蟻上樹 $128
呢個螞蟻上樹聞落好香但味道上面我略嫌有少少偏甜，如果落少啲糖再加返少少鹽感覺會更惹味啲，粉絲口感就煮得啱啱好。
.
🔸整體評價🔸
菜式全部都好花思，而且服務方面真係做得好好，員工好友善而且非常注重細節，一開始嘅碗碟擺放方式都好講究，確保碗碟嘅風景圖案係面對客人，真心推薦大家可以去試試🥰
.
🔸味道：8/10
🔸環境：8/10
🔸服務：9/10
🔸打卡指數：9/10
张贴
