串燒兄妹 (錦泰商場)

营业中

休息中

【沙田区】【串烧兄妹】之前同道歉哥都成日食呢间，但系我哋系食土瓜湾分店。作为一个沙田友，佢哋喺沙田其实系有两间分店，但我就完全冇食过。因此今日我点都要拜会其中一间，睇吓沙田区嘅串烧得唔得。我拣咗马鞍山锦泰店，方便啲嘛。我就梗系食返最抵食嘅「自选串烧」，不过贵过预期廿蚊，呢度系 $120。我拣咗牛舌、猪腩肉、五花腩片、鸡中翼、鸡肾、花枝丸、多春鱼、烧秋刀鱼，当中烧秋刀鱼系我最期待嘅，不过可能我食厌咗，好似冇以前咁大惊喜。其他串烧方面都系正正常常，不过胜在够晒热辣辣，食落都起码唔系唔得𠮶啲。而另外我仲叫咗一份 $48 嘅「烧鲭花鱼柳」，呢个就烧得几好，虽然价钱嚟讲系高过其他串烧，但系佢易吮骨、肉多嘅特性令佢系匹配于价钱嘅。嘢饮方面，呢度都有 $10 嘅「白桃冷泡茶」可以饮，味道同土瓜湾店一样都系甘香可口嘅。而环境方面，呢间锦泰店系喺街市出面嘅，有几张枱櫈咁，而附近亦有公共嘅枱櫈可以用，我去𠮶晚觉得都算充足嘅。埋单 $178，可以嘅。。。（地址：沙田马鞍山宁泰路31号锦泰商场地下锦泰街市28号舖）#1amfoodie #foodie #hkfoodie #thatfoodiething #h