影片
更多
2023-05-05
1594 浏览
【沙田区】【杰志膳房】众所周知我系一名足球爱好者，杰志足球会喺 1931 年成立，历史仲悠久过好多国家，本地球迷点会唔识。而近年亦都搞咗个赛马会杰志中心嚟训练本地球员，将足球青训呢件事趋向更专业化。最近仲开咗间餐厅，吓？大家冇睇错，杰志足球会喺石门开咗间营养餐厅，九月份开始试业并接受订座。开咗一星期我就即刻同朋友去食，去到当然感受到好浓烈嘅足球气氛，餐厅内亦都有电视不断重播返杰志上季啲「球王片」，原来都入咗咁多波。佢个午餐有五种选择，都系几多道菜嘅分别，我哋两条佬就梗系食 $168 嘅「Lunch Set A」啦，沙律、餐汤、主菜、甜品、饮品一应俱全嘛。个沙律系「有机南瓜三色藜麦沙律」，感觉清新、健康又好食，又激活到胃口㖞。而餐汤个「蒜香椰菜花汤」仲正，啲椰菜花浓度十足，仲有少量嘅椰菜花可以咬到，有埋蒜香吊味，一流。主菜我拣「三色椒焗鱼柳」意粉，好正，鱼柳唔会有煎炸嘅油腻感，亦唔系白烚嘅淡而无味，我都算食得几快。朋友就食「印度咖喱鸡球」饭，个咖喱我有偷食，好正，唔会话好似平时我哋食开𠮶啲咖喱咁油腻，而且好浓，鸡球亦都相当滑，整得劲高质素。甜品系「纽约芝士蛋糕」，算正常以上，另外杯热「咖
大家冇睇错，杰志足球会喺石门开咗间营养餐厅，九月份开始试业并接受订座。开咗一星期我就即刻同朋友去食，去到当然感受到好浓烈嘅足球气氛，餐厅内亦都有电视不断重播返杰志上季啲「球王片」，原来都入咗咁多波。
佢个午餐有五种选择，都系几多道菜嘅分别，我哋两条佬就梗系食 $168 嘅「Lunch Set A」啦，沙律、餐汤、主菜、甜品、饮品一应俱全嘛。个沙律系「有机南瓜三色藜麦沙律」，感觉清新、健康又好食，又激活到胃口㖞。
而餐汤个「蒜香椰菜花汤」仲正，啲椰菜花浓度十足，仲有少量嘅椰菜花可以咬到，有埋蒜香吊味，一流。主菜我拣「三色椒焗鱼柳」意粉，好正，鱼柳唔会有煎炸嘅油腻感，亦唔系白烚嘅淡而无味，我都算食得几快。
朋友就食「印度咖喱鸡球」饭，个咖喱我有偷食，好正，唔会话好似平时我哋食开𠮶啲咖喱咁油腻，而且好浓，鸡球亦都相当滑，整得劲高质素。甜品系「纽约芝士蛋糕」，算正常以上，另外杯热「咖啡」系好好饮。
我同朋友都系食咁多样嘢，埋单都只系 $369，呢个价钱食到呢个质素嘅食物真系超值。大家都知我好少用到咁重嘅力度去赞一间餐厅，仲要系自费架㖞，学柳飘飘话斋：「我真心架！」斋噏唔做民主党，带埋老母去二访。
个「Lunch Set A」仲系 $168，不过我老母食 D 餐，即系得返主菜同饮品，佢话佢细食，唔食咁多。而个 menu 竟然喺每个星期转一次嘅情况之下，喺二访嘅时候转返去我上次食过𠮶款，即系我想试其他嘢嘅梦想破灭。
不过佢个「有机南瓜三色藜麦沙律」面头 pat 忌廉系南瓜橙色而非红菜头粉红色，味道一样正。老母呷啖「蒜香椰菜花汤」都啧啧称好，难得㖞。主菜得返「意式蕃茄肉酱」扁意粉未试过，就人生中第一次完成整碟肉酱意粉。
老母就食「印度咖喱鸡球」扁意粉，我食咗佢一啖鸡球咁大把，然后佢系以狂风扫落叶嘅姿态完成晒碟嘢，我够胆讲今次系佢人生中食嘢最快嘅一次，简直痴线。我食嘢都唔慢架啦，佢系快我一倍呀，我食到一半佢已经食晒。
剩返未讲嘅「纽约芝士蛋糕」都冇咩好讲，侍应透露下期会有多一款甜品拣，即系明恰我啫。嘢饮方面，老母都中意佢杯「热奶茶」，而我杯「姜黄鲜奶」我觉得几浓几好饮，不过要受得姜黄个味至好叫，系非常浓味嘅。
呢两次都有机会同几风趣嘅大厨 Gary Tam 沟通，原来佢哋只会用菜油同芥花籽油，花生油𠮶啲系直头唔入货。讲到条鱼，唔会煎咗先至焗而系烧熟咗再焗，就算份量大小都微调咗好多次去迎合唔同需要，够食得嚟又要平衡价钱。
个宗旨系尽量用返天然嘅味道，例如咖喱唔系就咁落咖喱砖，而系加咗超过十种香料。入面有一半系果仁，长时间煮到佢变糊，听讲系两日，少癫，因为运动员需要啲 nuts。而佢又可以落唔同嘅食物组合，层次变化比较多。
因为要走肥，个肉酱只用新鲜肉唔会用冰鲜肉，唔怪得咁正。而沙律上面紫色果 pat 嘢系红菜头，忌廉系用高压枪打 CO2 打出嚟嘅。一千磅打入去做物理嘅化合，分子之间用空气浪起佢。不过要加忌廉先凝固到，球员就冇份。
里面个南瓜沙律系用低脂沙律酱，比正常少七成脂肪，要喺外国订返嚟香港嘅，劲。运动员餐同减肥餐有不同之处，减肥餐系少糖、走糖，运动员餐系可以正常糖，监控得宜就得，球员本身都自律，只系唔想佢哋食得唔开心。
佢同营养师会合作，就住运动员需要嘅物质，喺份量上重新制作，佢哋要乜就加，唔要乜就减。作为香港第一支有嘢食嘅球队，都无数据做比较，只能反覆实验。篇幅有限，只能祝佢哋成功，可以帮到球会同香港嘅足球员。
成篇嘢 cut 剩呢啲，仲有好多嘢未提，其实都系建议可以带长者去，健康餐放心食。只系会有几级楼梯，可能订位时要安排吓。如果行动不便，睇吓可唔可以用斜道加电梯咁上去。我私底下都推荐朋友去食，真系值得去吓嘅。。。
（地址：沙田石门安睦街 23 号赛马会杰志中心 1 楼）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #tastyfood #dessert #foodpics #followforfollowback #love #eat #1am沙田区 #沙田 #石门 #杰志膳房 #thekitcheebistro #有机南瓜三色藜麦沙律 #蒜香椰菜花汤 #三色椒焗鱼柳 #印度咖喱鸡球 #运动员特供版 #纽约芝士蛋糕 #1am0824 #1ambackup
33 浏览
0 赞好
0 留言
张贴
