御犇麵館 (金禧花園)

营业中

休息中

【沙田区】【御犇面馆】被朋友话我喺呢度成日都讲啲粉面店，咁我得一条友，选择不多，加上我同朋友食饭𠮶啲都已经尽量做其他类型嘅餐厅。奈何我真系冇乜朋友，加上工作关系都几难约食饭，而近期嘅堂食限聚令更加系雪上加霜，无奈至极都要讲一句，想我点啫。另外，粉面店其实都系陪住香港人成长嘅一个好重要嘅部份，有啲肚饿就队碗面，饱肚得嚟又唔贵，好过食啲 for 打咭嘅食物，虚有其表。加上做呢啲面档比较少机会被误会系收钱写嘢，唔想成个帐户都系「宣传易」咁，完全冇晒本身嘅内容。咁今次嚟到大围新开嘅呢间面店，虽然话新但其实都开咗超过一年喇好似。入到去食个「皇牌三牛面」，三样嘢就系牛腩、牛筋、牛肚，配个粗面，我觉得都唔错，加 $10 要杯「冻柠茶」少甜之后变成 $67，都唔平㖞，只能够讲个质素顶得住。既然未饱到透，仲有啲位可以再食多少少嘢，所以就叫咗碗「招牌人气弹弹牛丸」，唔配粉面，净食。我觉得都几有牛味，几好食，七粒都做到少少爆汁嘅效果，可以话系松化弹牙。一碗 $35 嘅价钱，唔平，不过耐唔时一碗嘅话绝对过瘾。食完呢次之后，有两碗嘢其实已经写得嘢，但系我觉得我仲会有机会食所以唔写住，结果之后真系叫咗个「牛杂粗面