影片
更多
2023-05-05
287 浏览
【沙田区】【明乐茶餐厅】对我嚟讲嘅「倒塔咁早起身」其实讲紧普通 office hour 已经算系，约咗朝早十点沙田开会，我居然只系迟到五分钟，真系奇迹。话虽如此，作为一个专业嘅教育工作者，喺会议期间我系冇打过任何「呵欠」嘅。开完会，虽然喺会议嘅中途都有啲 refreshments，包括蛋糕、提子、蜜瓜等等，不过由于我喺 break 嘅时间都要同唔同嘅朋友打招呼，诉说吓近来嘅困难之处，所以我都冇攞太多嘢食。不过叫做顶到吓肚，对于完全颗粒未进嘅我系有啲用嘅。开完会，喺会议进行点附近其实就冇嘢食嘅，所以我要行去沙田围𠮶边揾嘢食。半岛冰厅、美景牛杂粉面、台南皇面线原来我都写晒。咁我就喺乙明邨食，就算系呢度，我都写过裕珍楼，真刺激。谂唔到之下，就帮衬明乐呢间老字号茶记啦。话晒我都系一个沙田友，所以呢边啲嘢其实我都食过唔少，最常食嘅一定系芝脆鸡，𠮶排收工晚晚食，不过已结业。学生时期食过翠升茶餐厅同埋云来粉面，都已经走入历史。反而明乐真系一次都未帮衬过但屹立不倒，就入去殡佢一镬。入到去见佢有啲午餐，就算系沙姜鸡饭都只系 $40，哗，我十年前喺牛头角返工都唔止呢个价啦，难怪佢真系坐到爆晒，系一枱难求𠮶
开完会，虽然喺会议嘅中途都有啲 refreshments，包括蛋糕、提子、蜜瓜等等，不过由于我喺 break 嘅时间都要同唔同嘅朋友打招呼，诉说吓近来嘅困难之处，所以我都冇攞太多嘢食。不过叫做顶到吓肚，对于完全颗粒未进嘅我系有啲用嘅。
开完会，喺会议进行点附近其实就冇嘢食嘅，所以我要行去沙田围𠮶边揾嘢食。半岛冰厅、美景牛杂粉面、台南皇面线原来我都写晒。咁我就喺乙明邨食，就算系呢度，我都写过裕珍楼，真刺激。谂唔到之下，就帮衬明乐呢间老字号茶记啦。
话晒我都系一个沙田友，所以呢边啲嘢其实我都食过唔少，最常食嘅一定系芝脆鸡，𠮶排收工晚晚食，不过已结业。学生时期食过翠升茶餐厅同埋云来粉面，都已经走入历史。反而明乐真系一次都未帮衬过但屹立不倒，就入去殡佢一镬。
入到去见佢有啲午餐，就算系沙姜鸡饭都只系 $40，哗，我十年前喺牛头角返工都唔止呢个价啦，难怪佢真系坐到爆晒，系一枱难求𠮶只。就算 Keep 住有人出出入入都好似冇位咁，好坚，呢个价钱做得住系劲，亦都唔怪之得咁多人帮衬。
我叫咗个「特餐」就算，食个普通至极嘅「沙嗲牛肉公仔面」，但好有旧式茶记 feel，都系咁放荡不羁。另外个「火腿奄烈」正常，未算煎得老，okay 嘅。「牛油方包」烘底加 $1 但系系值嘅，好食咗。杯「茶走」具水准，既香且滑，我好快饮晒。
你冇睇错，我冇睇错，佢都冇搞错，我个特餐就系 $35，本身系再平啲，因为我件方包烘咗底加咗一蚊。呢个价钱我只能够讲系无可挑剔，我唔知沥源荣乐而家咩价位，但系以呢啲常餐嚟讲，喺沙田都系一个好唔错嘅价钱，被侍应「放置」都觉得心甘命抵。。。
（地址：沙田乙明邨明信楼61-63号地下）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0488 #globaleats #tastyfood #foodpics #followforfollowback #love #eat #1am沙田区 #沙田 #明乐茶餐厅 #乙明邨 #茶餐厅 #沙田围 #冰室 #常餐 #特餐 #沙嗲牛肉 #茶记 #乙明
2 浏览
0 赞好
0 留言
张贴
