榮樂茶餐廳

营业中

休息中

【沙田区】【荣乐茶餐厅】呢间餐厅我唔系第一次写，但系其实写𠮶次都已经过咗佢嘅最佳时间。记得初初食系喺十二年前，廿几蚊一个餐，佢系得早餐同午餐拣，都系食𠮶啲嘢，但系个瘾真系难以戒除。几年前佢换咗老细，随后食物质素就急跌。啲旧式冰室装修好多都拆晒，「冇饭食」嘅传统都打破埋，不过我再去都系叫返𠮶啲嘢，而家变咗系 $39 嘅「全日面餐」，食「沙嗲牛肉公仔面」同「火腿奄列」，配「奶酱多」饮「冻奶茶」，加多件散叫 $22 嘅「西多士」。呢 $61 我唔系畀唔起，而系我已经揾唔返𠮶个感觉。正当我谂住就咁写嘅时候，见到 IG 有个 hashtag 话旧老细回归，我即刻煞停个 post 去睇睇，结果系令我失望。一场嚟到，都叫系 $39 嘅「全日面餐」啦，都系食𠮶啲嘢。不过而家食「菠萝包」都要加 $3，以前菠萝包就系菠萝油仲要系免费转配，卖完即止。个味道好似都争咗啲，其实可能系因为个人情味。又饮「冻奶茶」因为真系好热，呢 $42，可能真系最后一次喇，写嘅时候都有啲伤感。。。（地址：沙田沥源邨富裕楼地下7号舖）#1amfoodie #foodie #hkfoodie #thatfoodiething #hk